Li Kurdistana azad Bankaya Navendî ava dibe ,08 Gulan,2007 | Aborî

Kurdistana Federal ku piştî dagirkirina DYA'yê ya Iraqê bûye navendek girîng a aboriyê, niha jî bala bankayên navneteweyî dikşîne. Li herêmê ku di warê aboriya global de pêşveçûnên girîng pêk tên, bi vebûna bankayên navneteweyî, kartên krediyê û xizmetên din ên bankavaniyê dixe rojeva gel. Midûrê Bankaya Navendî ya Kurdistanê Îbtîsam Necîm Ebûd li ser mijarê diyar kir ku bankaya wan beşek ji Bankaya Navendî ya Iraqê ye lê venêrandina bankayên li Herêma Kurdistanê kar dike, di bin venêdandina wan de ye.

Piştî têkçûna rejîma Baasê û ketina DYA'yê ya Iraqê Herêma Kurdistana Federal ligel aliyê siyasî, çandî, civakî, di warê aboriyê de jî dibe navendeke bazarê ya girîng. Ligel gengeşiya li Iraqê tê jiyîn, aramiya li Herêma Kurdistana Federal dibe sedema balkişandina sermayeya global. Piştî bi hezaran şîrketên di sektorên neft, înşeat û xebatên din de dixebitin, niha jî ji bo hêsankirina van karan bankayên navneteweyî şaxên xwe li Herêma Kurdistanê vedikin. Bi vekirina bankayan jî di jiyana mirovan de guherînên nû çêdibin. Gelê herêmê piştî kargeh û navendên danûstandinê yên modern, niha jî bi kartên krediyê û xizmetên bankavaniyê yên cihê re rû bi rû ne.

BANKAYA NAVENDÎ

Êbûd, diyar kir ku Bankaya Navendî ya Kurdistanê nîvekarek Bankaya Navendî ya Iraqê (ÎÎB) ye. Ebûd, daxuyand ku piştî têkçûna rejîma Sedam Herêma Kurdistanê bûye navenda bazirganî û aboriyê û axaftina xwe wiha domand: "KÎB wekî Bankaya Navedî ya Kurdistanê dixebite û venêrandina wê li ser hemû bankayên Kurdistanê heye. Her wiha pêwendiya wê bi Bankaya Navendî ya Iraqê re jî heye."

HESABÊN HEVKAR HENE

Di berdewama axaftina xwe de Ebûd da zanîn ku budçeya ji bo Herêma Kurdistana Federal tê veqetandin bi riya KÎB'ê tê bikaranîn û wiha axivî: "KÎB girêdayî Hikûmeta Kurdistana Federal û Hikûmeta Iraqê ye. Hesabên me yên hevpar bi bankaya ÎÎB'ê re hene. Em bi Dînar û Dolar dixebitin. Di warê aboriyê de pere ji hêla bankaya me ve tê kontrolkirin. Her wiha di warê derxistin û xistina pereyên xizîneyê jî xebatên me didomin. Li gorî pêdiviya herêmê em pere ji ÎÎB'ê digirin û pere transferî ÎÎB'ê dikin. Ev pergal ji bo hemû bankayên Kurdistanê tê bikaranîn. Lê ev xebat di bin venêrandina bankaya me de pêk tê. Hemû bankayên li Kurdistanê dixebitin girêdayî vê pergalê ne. Heta niha tu pirsgirêk û astengî derneketine.

BAŞÛR DIBE NAVEND

Ebûd der barê hatina bankayên cihanî ji bo Kurdistana Federal jî diyar kir ku ev yek li ser pêdiviya bazirganiyê derdikeve holê û axaftina xwe wiha bi dawî kir: "Herêma Kurdistanê niha bûye navendek girîng a bazirganiyê. Ji ber vê yekê gelek gelek bankayên navneteweyî hatine Kurdistanê û di xwazin werin jî. Wekî niha Banka Bîblos ya Lubnanê, Banka Firasa (FIB), Banka EL Awde û gelek bankayên nîvekar ên Iraq û Brîtaniya hene li Herêma Kurdistanê. Gelek bankayên din jî dixwazin şaxên xwe vekin."

PERGALA ATM’Ê

Têkildarî guherînên pêşveçûna bankavaniyê li Kurdistana Federal pêk tên jî Necîm Ebûd daxuyand ku pêşveçûna xizmetên bankavaniyê di civakê de jî hind guherînan pêk tîne û wiha pêde çû: "Di roja me de her tişt zû diguhere. Ji ber wê yekê jî nûjenî hemen bandorê li ser aliyê din ên jiyanê dikin. Niha li Kurdistanê bikaranîna qartên taybet tune ye. Lê di vî warî de daxwazek heye. Li ser vê daxwazê di 2 mehên pêşiya me de qartên wekî Visa, AxAmerican Express û Mester Cart dê li vri jî bên bikaranîn. Ji bo vê yekê hind banka niha de propaganyada vê yekê dikin. Lê ji bo em kontrolê ava bikin, tenê li herêma Kurdistanê em dê bi kar bînin." (Dîha)

Hemû mafên nûçe û nivîsên ku destnîşana HAWAR DENGÛBAS hatiyê danîn ser navê Hawar Kurdistan Media Group ya HAWAR DENGÛBAS e.Beyî destûr naye bikaranîn.

Binivsîne | Biçe Jor

Hemû Naveroka Beşa Aborî

irêdan

Dezgehî: hkmg.net | Hawar Kurdistan Media Group | Agahîyên Giştî | Rêvebirî | Reklam Dayîn

Ev Weşaneke