Nerazîbûna Kurd di meselaya yasaya neftê de bi tundî berdewam e ,16 Tîrmeh,2007 | Aborî

Di derbarê pêşhatên dawî û guhartinên li ser yasaya petrolê de Serokê Lîjneya Petrolê yê ser bi lîsteya Hevpeymana Kurdistanê yê li Parlementoya Iraqê Elî Hisên wiha ragihand:"Biryara dawî ya Lîsteya Hevpeymana Kurdistanê ew e ku bi temamî ew guhartinên li ser yasaya petrolê wek berê bên kirin û piştre jî ji ajandaya karên parlementoyê re bên şandin."

Dr. Alî Hisên daxuyakir ku mekanîzmaya çareserkirina pirsgirêkên projeyasaya petrolê, dibe ku her di nav parlementoyê de be û li gor rêketina di navbera lîsteya Hevpeymana Kurdistanê û lîsteya Îtîlaf be. Serokê Lîjneya Petrolê yê li Parlementoya Iraqê Alî Hisên got jî bandora Hevpeymana Kurdistanê li ser Parlementoya Iraqê heye û dibe ku projeyasaya patrolê wek daxwaza Hikûmeta Herêma Kurdistanê bê pesendkirin..

Petrola Kurdistanê jî aîdî Kurdan e

Wekî tê zanîn him serokê Kurdistanê Mesûd Barzanî û him jî rêveberên din ya Kurdistana Azad gelek caran ser mijarên Kerkûk û nefta Kurdistanê bi eşkereyî diaxifin û di demên dawî de di hin deverên Kurdistana azad de dest bi kolandina bîrên neftê hate kirin.

Serokê Kurdistanê derbarê kêşeya Kerkûkê de çend meh berê jî wiha axifî bû; "Merc nîne ku Kerkûk paytexta Kurdistanê be û reşnivîsa destûra Kurdistanê de jî kevne û ew pêşnîya re lê ne merce û niha Hewlêr paytexte, lê babeta Kerkûkê ne tiştekî hêsa ne û em dest jê bernadin"

Barzanî di axaftina xwe de zelal kiribû ku wekî hemû dewlemendîyên serax û binaxa Kurdistanê, petrola Kurdistanê jî aîdî Kurdan e.

Di dawîya 2005’an de li Qebaruxa nêzî Zaxoyê beşdarî merasima ji xenî Serokwezîrê hikûmeta Kurdistanê Nêçîrvan Barzanî, kolana bîreka petrolê bûbû ku ji aliyê kompanya DNO kolan jî tevlî bû bû. Herî dawî jî li teq teqê dest bi kolandina bîrên neftê hatibû kirin.

Wekî tê zanîn petrol li Cîhanê çavkanîya enerjîyê ya herî girîng e.Bo bi hêz bûna di nava sîyesata Cîhanê de pêwîsitî bi xwedî bûna çavkanîya enerjîyan heye.Hikumeta Kurdistanê di bo bikaranînana petrolên Kurdistanê hewlên xwe zêde dike. (Puk medya /HAWAR)

Binivsîne | Biçe Jor

Hemû Naveroka Beşa Aborî

irêdan