Aktuel / Jiyan / Civak

Projeya Geliyê Dîcleyê dest pê kir

21 Rebendan,2007 weşandin:19:28:09 (GDK)

Axirê Projeya Geliyê Dîcleyê dest pê kir. Ji bo Geliyê Dîcleyê bê bedewkirin wê pêşbirka plankirina peyzaj û projeya avahîsaziyê bê pêkanîn. Lijneya jûriyê li ser mijarê civîna xwe ya sêyemîn li dar xist.

Ji aliyê Şaredariya Bajarê Mezin a Diyarbekirê ve, bi şêwirmendiya Navenda Giştî ya Odeya Avahîsazên Peysajê ya TMMOB’yê pêşbirk wê di nava rêzikên; “Avahîsazî, Avahîsaziya Peyzajê, Endezyarî, Projeyên Tesewira Bajêrî, Plankirina Herêm û Bajêr û Rêziknameya Pêşbirka Berhemên Hunerê” bê lidarxistin. Pêşbirk wê li Geliyê Dîcleyê ku li Rojhilatê wê Kampusa Zanîngeha Dîcleyê, li Rojavayê wê Sûrên Kelehê, Herêma Ewlekariya Leşkerî û Herêma Veguherîna Bajêrî de di nav yekîtiyekê de û wê li gorî sûdwergirtina giştî bê lidarxistin. Armanca pêşbirkê bicihanîna pêdiviyên betlaneya kesên ku li derdora bajêr dijîn; hevsenga parastin û bikaranînê di navbera çand, huner, zanist û nirxên hawirdorê de ji bo bi awayekî baş bên hilbijartin çareseriyên herî erzan, herî nûjen û herî bikêrhatî bên dîtin e. Armanceke din jî ew e ku gelî bibe perçeyekî jiyana bajêr û ji bo hunerên bedew piştgirî bê dayin e.

Şaredariya Bajarê Mezin a Diyarbekirê; bi armanca bi rêk û pêk kirin û îsleh kirina Çemê Dîcleyê bi endamên jûriyê ku li gora rêziknameya pêşbirkê encama hevdîtinên bi odeyên pîşeyê yên têkildar û saziyan re pêk hatine, hatine diyarkirin di 1 Berfanbar 2007’ê de dest bi xebatên fermî kir.



Di encama xebatên ku di 5 Berfanbar 2006’ê de li Enqereyê hatin domandin bi Şertnameya ‘Pêşbirka Projeya Avahîsazî û Tesewîra Bajêrî Plankirina Peysaja Geliyê Dîcleyê ya Diyarbekirê’ hat temamkirin û hat îlankirin. Pêşbirk; di rûpelên webê yê Şaredariya Bajarê Mezin, Navenda Giştî ya Odeyên plankirina Bajêr, Avahîsazên Peysajê û Avahîsazan û di kovarên wek Arkîtera Avahîsaziyê de hate weşandin û daxuyakirin.

Sînorê Qada pêşbirkê wê li bakur Rêya Farqînê, li başûr Pira dehderî, li aliyê rojava qada leşkerî û sûrên bajêr yên rojhilat û Baxçeyên Hewselê; li rojhilat jî Qada Kampusê ya Zanîngehê be….

Fîsqeya xwedî girîngiyeke Stratejîk e

Di qada pêşbirkê de ya ku mezinahiya wê 676 hektar e deverên Fîsqeya û jêr û jorê pira ku navenda bajêr û zanîngehê digihîne hev xwedî girîngiyeke stratejîk in.

Pirsên derbarê pêşbirkê û Şertnameya Pêşbirkê yên ku bi nivîskî ji aliyê beşdarên pêşbirkê ve hatibûn pirsîn ji aliyê endamên jûriyê ve di mêjûya 8-9/01/2007’ê de li Şaredariya Bajarê Mezin a Diyarbekirê hatin bersivandin. Mêjûya dawîn a serlêdana pêşbirkê 4 Reşemî 2007 e û mêjûya teslîmkirina projeyan 5 Avrêl 2007 e. Xebatên jûriyê yên nirxandinê wê di mêjûya 15 Avrêl 2007’ê de li Şaredariya Bajarê Mezin a Diyarbekirê wê bên kirin. Piştî ku xebatên nirxandinê bi encam bibin wê encam bên daxuyandin û wê bi kolokyûmekê bên nasandin. . (HAWAR-DENGÛBAS)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa jiyan/Civak

irêdan