Çand,Hûner,Zimanê Kurdî

Li her derê zimanê Kurdî bi kar bînin'

19 Sermawez,2006 weşandin:11:03:22 (GDK)

Di encamnameya Konferansa Parastin û Perwerdehiya Zimanê Kurdî de bang li kurdan û kesên ku xwe kurd dihesibînin hate kirin û wiha hate gotin: "Tiştê girîng ev e ku beriya her tiştî di jiyana rojane de, di danûstandinên bi her awayî de zimanê xwe bi kar bînin. Di vî warî de kêmasiyek heye, berî her tiştî divê ev kêmasî ji holê rabe."

Encamnameya Konferansa Parastin û Perwerdehiya Zimanê Kurdî ku di çarçoveya 4'emîn Rojên Wêjeyê li Diyarbekirê de di navbera 18 û 19'ê sermawezê de bi beşdariya 150 delegeyan li Salona Konferansê ya Şarederiya Baglarê pek hat, bi civîneke çapemeniyê hate aşkerakirin. Di civîna ku li Salona Şanoyê ya Şaredariya Bajarê Mezin a Amedê hate lidarxistin de, Şaredarê Bajarê Mezin ê Amedê Osman Baydemîr û delegeyên konferansê amade bûn.

JIYANEKE BI KURDÎ

Axaftina destpekê Şaredar Osman Baydemîr kir. Baydemîr, di axaftina xwe de da zanîn ku li ser çand û zimanê kurdî gelek astengî hene. Baydemîr, dest nîşan kir ku astengiya herî mezin ne bikaranîna ziman a di jiyana rojane de ye û wiha axivî: "Em di jiyana rojane de vî zimanî bi kar bînin. Ez bawerim ev gav pêk werin, her çiqasî di warê qanunî de jî, di warê hiqûqî de jî ev astengî hebin, zexmetî jî hebin, dem bi dem roj bi roj mafên çandî, ziman û bikaranîna ziman dê pêş bikeve."

Encamname li ser navê delegeyên konferansê ji aliye Alî Çîftçî ve hate xwendin. Çîftçî, diyar kir ku di konferansê de li ser rewşa kurdî, li ser pişaftin û xwepişaftinê, li ser parastin û perwerdehiya zimanê kurdî nîqaşên kûr hatine kirin. (dîha)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Çand û Huner

irêdan