Çand,Hûner,Zimanê Kurdî

4. Konferansa Parastina Zimanê Kurdî û Perwerdeya Kurdî”

19 Sermawez,2006 weşandin:11:03:22 (GDK)

”4. Konferansa Parastina Zimanê Kurdî û Perwerdeya Kurdî” bi beşdarbûna nêzî 150 rewşenbîr û nivîskarî, destpêkir.

Konferans, îsal jî ji aliyê Şaredariya Mezin a Amedê ve li Salona Konferansê ya Şaredariya Rezan (Baglar) tê li dar xistin.

Nivîskar mehmed uzun ji ber nexweşîya xwe tevlî konferansê nebû.

Axaftina vekirina Konferansê, ji aliyê serokê Komeleya Kurdî-Derê Abdurrahman Bakir ve hate kirin. Bakir di axaftina xwe de diyar kir ku Kurdî-Der ji bo pêşvebirina zimanê kurdî gelek xebatên hêja kirine. Li gelek bajaran perwerdeya zimanê kurdî dane, mamosteyan kom kirine û ev mamoste, dersên taybet didine kesên ku bixwazin.

Konferans dê du roj bidome û li ser metodên pêşvebirina ziman, zanyariya ziman û belavkirina bikaranîna ziman, mafê perwerdeyê û materyalên perwerdeyê dê bê rawestan. Herweha ji bo danezan ango daxuyannameya encamê, dê 4 komên cuda yên xebatê bêne avakirin.

Di beşa îroj a Konferansê de, li ser mijarên mîna ”Mafên ziman û rêyên perwerdeyê, Zindîkirina ziman, Li Ewropayê têkoşîna sîvîl a ji bo parastina ziman, Ziman û huner, Li Sûriyê rewşa zimanê kurdî û Teknolojî û zimanê kurdî” dê nîqaş bêne kirin.

Polîs ketin konferansê

Konferansa ku dê piştî axaftina destpêkê ji çapemeniye re girtî dom bikira, li ser pêkûtiya polîsan ji çapemeniyê re jî hate vekirin. Polîsên ji dadgehê destûra şopandina konferansê stendin, destnîşan kirin ku dê heta dawiya konferansê bi qamerayê çalakiyan bikişînin. Li ser vê yekê di navbera polîs û beşdaran de nîqaş çêbû.

(dîha / malpera şaredarîya Amedê)
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Çand û Huner

irêdan