Li Amedê coşiya konsera mîhrîcanê,02 Pûşper,2007 | Çand û Huner

AMED,bakûrê Kurdistanê -- 7. Mîhrîcana Çand û Hunerê ya Amedê ji hêla şaredariya Bajarê Mezin a Amedê ve tê organîzekirin, bi vekirina Meydana Deriyê Çiyê dok kir.Heskerên çand û hunerê yên amedî piştî beşdariya merasîma vekirina li Meydana Deriyê Çiyê bi dahol û zurneyê heta Deriyê Rihayê meşiyan. Girseya li vir bi stranên Burhan Berken, Koma Azad û Suavî heta derengiya şevê govend girt û demên xweş derbas kirin.

‘Bajarên navdar bi meydanên xwe tên nasîn’

Şaredarê Bajarê Mezin ê Amedê Osman Baydemîr ku li vir bi kurdî axaftinek kurt kir, bal kişand ser dîroka Amedê. Baydemîr, diyar kir ku hemû bajarên navdar bi meydanên xwe tên nasîn mînak nîşan dan.

Berken girse coşand

Piştî axaftina Baydemîr Koma Reqasên Gel a Navenda Çand Rojê lîstikên çanda kurdî pêşkêş kirin. Li dû pêşandana lîstikên koma govendê, girse ber bi cihê konserê Qada Deriyê Rihayê ve dest bi meşê kir.

‘Sekna we ji bo aştiyê girîng e’

“Ez vê sekna we ya bi mêranî û mêrxasî pîroz dikim. Gelê Amedê gelek qehreman e. Hûn her tim li ser piyan rawestiyan. Li hemberî tu tiştî we serê xwe ne tewand. Ji bo vê yekê ez ji xizmetkariya we rûmetdar im. We her tim aştî, demokrasî û azadî xwest. Piştî axaftina Baydemîr Koma Azad ku 20’emîn salvegera damezirandina xwe pîroz dike, derkete ser dikê. Koma Azad bi stranên xwe yên cur bi cur gel coşand. Piştî Koma Azad Suavî derket ser dikê û bal kişand ser girîngiya mîhrîcanê.

Suavî, diyar kir ku ev netenê mîhrîcana stanan e, di heman demê de li hevanîna çand, huner û demokrasiyê ye. Piştre Suavî bi stranên klasîk ên cur bi cur gel coşand. Di konsera heta derengiya şevê dom kir de, girseyê jî govend girt û keyf kir. (Dîha)

Hemû mafên nûçe û nivîsên ku destnîşana HAWAR DENGÛBAS hatiyê danîn ser navê Hawar Kurdistan Media Group ya HAWAR DENGÛBAS e.Beyî destûr naye bikaranîn

Binivsîne | Biçe Jor

Hemû Naveroka Beşa Çand û Huner

irêdan

Dezgehî: hkmg.net | Hawar Kurdistan Media Group | Agahîyên Giştî | Rêvebirî | Reklam Dayîn

Ev Weşaneke