Çand,Hûner,Zimanê Kurdî

Komela Pêşxistin û Lêkolînê ya Zimanê Kurdî KURDÎ-DER, yekemîn kongreya xwe ya asayî lidar xist

15 Rêbendan,2007 weşandin:05:32:11 (GDK)

kongreya asayî ya yekem a Komela Pêşxistin û Lêkolînê ya Zimanê Kurdî hate lidarxistin.

Komela Pêşxistin û Lêkolînê ya Zimanê Kurdî KURDÎ-DER, îro yekemîn kongreya xwe ya asayî li Enstîtuya Zimanê Kurdî ya Amedê lidar xist.

Şaredarê Sûrê Abdullah Demirbaş, hempîşeyê wî yê Kayapinarê Zulkuf Karatekin, nûnerên KESK'ê yên şaxan û serokê KURDÎ-DER'ê Abdurahman Bakir-jî di nav de, gelek kes beşdarî kongreyê bûn.

Serokê KURDÎ-DER Abdurahman Bakir di kongreyê de got, ji bo pêşxistin û parastina Kurdî divê hemû qadên mîna siyaset, çand û aboriyê bên bikaranîn.

Edîtorê rojnameya Azadiya Welat Adil Zozanî, berdevkê demî yê Tevger û Hîndekariya Kurdî Qahîr Bateyî û Alaatin Aktaş-jî heman mesaj dan.

Piştî axaftinan raporên maliye û karûbarên pratîkê hatin nirxandin û hilbijartin pêk hatin.

Di encama hilbijartinê de, ku bi lîsteyeke bi tenê pêk hat, ji bo rêveberiya komela nû Mezhar Aktaş, Kemal Taşkin, Medeni Alpkaya, Heci Haspolat, Hesen Şik, Siddik Atti û Veysi Ayuz hatin hilbijartin.

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Çand û Huner

irêdan