Çand,Hûner,Zimanê Kurdî

Kurdî-Der'ê Roja Ziman pîroz kir

21 Sibat,2007 weşandin:21:03:06 (GDK)

Kurdî-Der'ê bi minasebeta 'Roja Zimanê Zikmakî ya Navneteweyî' li ber Mêvanxaneya Şaredariya Bajarê Mezin a Amedê, daxuyaniyek da. Daxuyanî ji aliyê Cîgirê Serokê Giştî yê Kurdî-Der’ê Medenî Alpkaya ve hate xwendin û xwest ku qedexeyên li ber zimanê kurdî rabin.

Alpkaya, xwest ku di aliyê ziman de demografiya Tirkiyeyê bê derxistin û zimanên li gund û bajaran zêde têne bikaranîn, li cem tirkî bibin zimanê hîndekarî û perwerdehiyê. Alpkaya, diyar kir ku parastina zimanê zikmakî parastina nasnameyê ye. Alpkaya li ser wateya roja ziman jî sekinî û got ku 21'ê reşemiyê ji aliyê Rexistina Perwerdehî, Zanîst û Çandê (UNESCO) ya Neteweyên Yekbûyî ve wekî Roja Zimanê Zikmakî ya Navneteweyî hatiye pejirandin.


Her wiha hate xwestin ku li cem zimanê tirkî, di rêveberiyên herêmî de zimanên herêmî esas bêne girtin. Her wiha hate xwestin ku li saziyên mîna tenduristî, ewlekarî û dadmendiyê, tercûman û mutercîm bêne peywîrdarkirin. (Dîha)
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Çand û Huner

irêdan