Kurdistan

Serokê Kurdistanê Bi tundî Rapora Iraqê û James Baker Rexne Kir;

"Yan Rêze Li Destûrê Bigrin Yan Jî Wê Iraq Perçe Be"

NÛÇE-ŞÎROVE:HESEN DILGEŞ,HÊJÎN NIZAR / HAWARDENGÛBAS

08 Berfanbar,2006  weşandin:15:54:33 (GDK)

HAWAR-DENGÛBAS,HEWLÊR-- Derbarê raporê de Serokê Kurdistanê daxûyanîyek tund weşand.Bi vê raporê tê pêşnîyar kirin ku Kurd piştî ewqas piştgirîyên xwe bo Emerîkayê ji destketîyên xwe yên heyî jî dev jê berdin.

Rapora Koma Xebata Iraqê ku doh hatibû eşkere kirin ji alîyê desthilatdarîya kurdistanê ve bi tundî hate rexne kirin.

Derbarê raporê de Serokê Kurdistanê daxûyanîyeke tund weşand.

Daxûyanîya serokê Kurdistanê Mesûd Barzanî serî de BCC,CNN,The New York Times û bi giştî di medyaya Cîhanê de jî gelek deng veda

Serokkomarê Iraqê û serokê Yekîtîya Niştamanî Kurdistan Celal Talabanî jî piştgirîyê da helwesta Serokê Kurdistana azad.Doh jî Serokwezîrê Kurdistanê raporê rexne kiribû.

Di raporê de hin îddayên vikûvala yên wek Tirkan heye.Di raporê de tê pêşnîyar kirin ku dema çareser kirina mijara Kerkûkê paşve were xistin.Jixwe Kurdan 3 sal berê dema çareser kirina kêşeya kerkûkê bo sala 2007an paşvexistibûn.Dewleta Tirk di nava 3 salê de planên xwe yên qirêj de serneketin û ji bo bi dest xistina zemaneke nû li dû pêşî lê girtin anjî paşvexistina referandûma li Kerkûkê ne.

Rapora Iraqê jî rê li ber pêkanîna lîstikên Tirkan vedike

Her wiha di raporê de tê dîyar kirin ku bila desthilatdarîya navendî bê bihêztir kirin.Ev daxwaz jî dîsa kerî dewleta Tirk tê.ji ber ku dewleta Tirk jî ji bo bihêz nebûna Kurdan heman daxwazê dikir.

Bi vî avayî derdikeve holê ku telefon kirina James Bakerî temamî formalîte bûye û Baker gotibû ku di raporê de behsa li ber çavgirtina xweseriyên Kurdistanê hatiye kirin.

Rêveberîya Kurdistana azad di dema operasyona Iraqê de li gel ku xwedî îmkana îlan serxwebûnê bû.Lê him ji bo berjewndîyên gelê Kurdistanê û bi cîh anîna gelek kêmasîyên Kurdistanê û ji ber sedemên dîplomatîk û sîyasî piştgirî dabûn Emerîkayê.

Yanî Kurd destkeftêyên ji mafên xwe yên kemtir razî bû bûn.Niha bi vê raporê tê pêşnîyar kirin ku Kurd piştî ewqas piştgirîyên xwe bo Emerîkayê ji destketîyên xwe yên heyî jî dev jê berdin..
 

Paşvexistina Referandûma Kerkûkê daxwaza Tirkan e

Dewleta Tirk û maşeyên wan ên li Iraqê naxwazin ku referandûmek bê saz kirin.Ji ber ku ew jî dizanin ger referandûm were kirin wê Kurdan biserkevin.Her wiha ji heman sedeman dijî pêkanîna madeya 140 ê ne ku bi vê madeyê Kurdên ku ji Kerkûkê hatine derxistin paş ve bê vergerandin.Ango destê dijberên Kurdan de tu sedemên mafdar û rewa nînin bo pêşî lê girtina referandûmê.

Dewleta Tirk îdda dike ku bi çêkirina referandûmê wê li Iraqê tundî gurtir be.Lê dewleta Tirk ev yekê eşkere nake ku wê tundkarîyê bixwe derxîne holê.

Daxûyanîya Serokê Kurdistanê

(Bo xwendina daxûyanîya Serokê Kurdistanê Mesûd Barzanî Bitiqîne)

Celal Talabanî jî nerazîye

Kamiran Qeredaxî berdevkê fermî yê serokomar, nûçeyeka kenala asmanî ya El-erebiye ret kiriye ku tê de balkişana dawîn ya serokomar Talebanî li ser rapora Bekir Hamilton ya bi hevtaya perjewendiyên Iraqê, da zanîn.

Kamiran Qeredaxî got: kenala El-erebiye tenha beşek ji daxuyaniyên serok Talebanî belavkiirye, tê de têkest kiriye ku nikare pejrandineke temam bo rapora navborî bike ku bêtirî ji 70 bendan pêkhatiye, lê balkişandiye ser çend xalên di wê raporê de ku digel siyaseta hikumeta Iraqê de li hevtê û hemiyan daxwaza vê yekê kirine, ji wana guhastina duseya ewlehî bo hêzên Iraqê û gotûbêj kirin
digel welatên dirawsî de.

Berdevkê fermî yê serokomar got jî: kenala El-erebiye çend xalên daxuyaniya serok Talebanî belav kiriye, ku tê de balkişandiye ser çend xalên pirr kiriye di rapora Bêkir de ku perjewendiyên hikumeta Iraqê nîne û destûr di westîn e, ew destûra ku seok Talebanî rijde li ser parastin û pabendbûn bi deqên wê.
 
Her di wî warî de, kamiran Qeredaxî dîyar kir ku Talabanî piştgêriya xwe bo helwesta Mesûd Barzanî serokê Kurdistanê ragihadîye.(pukmedia)

Perçebûna Iraqê bi raporake ne mimkune bê sekinandin

Her roj herî kêm 100 kes tê kuştin.Şiî û Sûnî bênavber di nava pevçûnê de ne.Pisporan dîyar dikin ku êdî ne mimkune ku yekîtîya axa Iraqê were parastin.

Li Iraqê ew 4 salin ku bi operesyona DYEyê rejîma Baas hatîye rûxandin û 4 salin her roj bi dehan Iraqî jiyana xwe ji dest didin û Iraq di her waran de her roj hinek din paş dikeve.

Her wiha dervey Kurdistana azad li Iraqê hişmendîya civak bûnê jî bi temamî ji holê rabûye.Êdî gellek pisporên sîyasî dîyar dikin ku rewşa Iraqê êdî paşve nayê zivirandin.

Başûrê Kurdistanê ku li vê derê 14 sal berê rêverîya azad ya Kurdistan hatîye damezirandin û bi hikumet, parlemen û dezgeh û sazîyên xwe li gel kêmasî û astengîyan be jî pêşdikeve.Di operesyona Emerîka de jî Kurd bi bergehekî stratejîk û konjokturel di hêla DYE de cîh girtin û ew hevkarî dîsa di çerçoveya berjewendîyên her dû alîyan de didome.

Kurd ne fermî be jî niha nêzî serxwebûnê ne.14 salin ku Kurd bi zimanê Erebî naxwînin û naaxifin.Her tişt bi Kurdî ye.Rêveberî bi her avahî ji Iraqê cûda ye.Kurdistana azad her roj hinek din ji Iraqê dûr dibe.

Kurd niha ji ber rastîyên konjokturel niha ji Iraqê venaqetin.Hê meseleyên aborî,avadanî,dîplomatîk û pirsa Kerkûkê hin jî nehatine çareser kirin.Rastîyeke din jî ewe ku Erebên Iraqê jî ji rewşa gelê Kurd nerazîne û pêşketina Kurdan naxwazin.Xalkê başûrê Kurdistanê li gor perçeyên din ya Kurdistanê kêmtir bi welatê dagirker re entegre bûne heta hêç nebûne.
 

Kurd ne mecburin di alozîya Iraqê de bimînin.(HAWAR-DENGÛBAS)
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan