Kurdistan

Êrîşên dijberên Kurdan li zaningehan zêde dibe

05 Berfanbar,2006  weşandin:23:56:21 (GDK)

Li Tirkîye êrîşên dijberên Kurdan ser gelê Kurd dîsa gurtir dibe. Dijberên Kurdan  li Îzmîr û Enqerê, bi kêr û satoran êrîşê xwendekarên kurd kirin.

Êrîşa komên faşîst ya li Enqerê, li Kampûsa Cebecî ya Zanîngeha Enqerê pêk hat.

Li gorî agahiyan, komek xwendekarên kurd û demokrat, dema ji kampûsê derketin, rastî êrîşa komeke nîjatperest ya 40 kesî hat.

Ji ber êrîşê ji xwendekarên demokrat Sînan Benek û Mustafa Yeşîl bi awayekî giran birîndar bûn.

Çavkaniyên Nexweşxaneya Zanîngeha Başkentê diyar kirin ku, Sînan Benek talukeya jiyanê derbas kiriye û tedawiya Mustafa Yeşîl jî li Nexweşxaneya Îbnî Sîna dewam dike.

Komên Nîjatperest li Zanîngeha Egeyê jî, doh êvarê bi kêr û satiran êrîşê xwendekarên kurd û demokrat kirin û di encamê de 4 xwendekar birîndar bûn.

Xwendekarên kurd û demokrat diyar kirin ku, polîs çavên xwe ji êrîşên komên faşîst re digirin û banga hestiyariyê li raya giştî kirin.

Bi wan êrîşan careke din derketîye holê ku Tirk Kurdan qebûl nakin û Kurd tenê dikarin bi rêvebiriyên xwe û li Kurdistanê jiyananek bi ewle dikarin bi dest bixÎnin (dîha / HAWAR-DENGÛBAS)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan