Kurdistan

Rêvebirîya Kurd li dijî hewlên 'Konferansa Kerkûkê' Bi Tundî Bersiv Da;

"Bila Li Iraqê Jî Ser Diyarbekîrê Konferans Bê Li Dar Xistin"

NÛÇE-ŞÎROVE:SERHAD B.RÊNAS-HESEN DILGEŞ / HAWARDENGÛBAS

07 Berfanbar,2006  weşandin:05:21:34 (GDK)

HAWAR-DENGÛBAS,HEWLÊR,Kurdistan--Hevpeymanîya Kurdistan a diyar kir ku konferansa 'Li Tirkiyeyê Pirsgirêka Kurd' bê lidarxistin, pêşniyarname pêşkêş bikin.Dewleta Tirk îdda dike ku bi çêkirina referandûmê wê li Iraqê tundî gurtir be.Lê dewleta Tirk ev yekê eşkere nake ku wê tundkarîyê bixwe derxîne holê.

Li Rêveberîya Kurdistana Azad bi tundî bersiva hewlên li dar xistina 'Konferansa Kerkûkê' ku li Tirkiyeyê da.

Parlementerên Îtîfaqa Kurdistan di parlamena Iraqê de û gellek rayedarên ji Kurdistana Azad nerazîbûnek tund li dijî hewldanên dewleta Tirk nîşan dan.

Rêveberîya Kurdistanê dîyar kir ku konferaseke bi vî rengî derzagonî û mudaxaleya li desthilatiya Iraqê ye.Kerkûk û xala 140'emîn,pirsgirêka Kurdan û Iraqiyan e.
 

Bila Li Parlemena Iraqê jî konferansa 'Li Tirkiyeyê Pirsgirêka Kurd' bê lidarxistin

Endamên hevpeymanîya Kurdistanê dîyar kirin ku eger hewlên dewleta Tirk bi vî rengî berdewam bikin ew ê jî wek Hevpeymanîya Kurdistan a di Parlementoya Iraqê de, ji bo ku konferansa 'Li Tirkiyeyê Pirsgirêka Kurd' bê lidarxistin, pêşniyarname pêşkêş bikin.

Îtifaqê da zanîn ku 15 parlementerên Eniya Tirkmen a Iraqê ku di Parlamentoya Iraqê de ne, ji bo konferansê hatine vexwendin. Îtifaqê banga 'neçin konferansê' li parlementeran kir û ragihand ku ger parlementer herin, wê ev yek bê wateya binpêkirina zagonên Iraqê.

Rizgar Alî ku di civîna asayî ya duh a Meclîsa Bajêr a Kerkûkê de axivî, daxuyaniyên ku ji aliyê cîranên Iraqê ve di demeke ku Xala 140'emîn a Makezagona Daîmî ya Iraqê dê bê pêkanîn de têne dayîn, rexne kir. Rizgar Alî, diyar kir ku ev daxuyaniyên derheqê pêvajoya Kerkûkê de hatine dayîn, mudaxaleya li karên navxweyî yên Iraqê ye. Rizgar Alî wiha dom kir: "Ev daxuyanî li derveyî rastiyan in. Di şûna ku ev dewlet daxuyaniyên bi vî rengî didin de, bila pêşî herin pirsgirêkên netewên li welatê xwe çareser bikin.”

Endamê parlamentoya Iraqê yê ser bi Lîsteya Hevpeymeniya Kurdistanê D. Seadî Berzincî diyar kir ku "15 endamên ku ji bo kongreyê hatine gazîkirin ku ji lîsteyên Eniya Turkman û Hevbend û Eniya Diyalog û Aştîbûna Nîştimanî ne heta nuha serokê parlmentoya Iraqê îcaze ne daye van endaman û got:" Ger ew kongre ku bi bê nûnerê kurd bê pêkanîn, em ê daxwaz ji serokatiya parlamentoyê bikin, kongreyek bo mafê Kurd û Ereb û Ermenî ên li Tirkiye bê sazkirin."
 

Bereya Tirkmenan bo betal kirina madeya 140 di nava hewldanê de ye

Di vê navberê de Bereya Tirkmanan ku di bin kontrola dewleta Tirk de daxwaz ji James Baker kiriye ku maddeya 140 a hêsayîkirina rewşa kerkûkê rabike û daxwazek weha jî kiriye ku federalizma parêzgehan li Iraqê hebe.

Evê bereyê daxwaz kiriye ku samanên (serwetên) welat di destên hukûmeta navendî de bin.
Serokê Bereya Turkmanî Sededdîn Arkîçî nameyek ji James Baker re şandiye û di evê bareyê de weha dibêje: nêhêsayîbûna ku li bajêrê kerkûkê heye, ji alîyê ewan kesan ve ye ewên ku ji alîyê Amerîka ve piştevanîya wan dihê kirin.. ewana jî, dixwazin mezintirîn beşê evî bajêrî ji xwe re bibin.
 

Dijberên Kurd ji ber ku dizanin Kurd wê serkevin lewma jî dixwazin referandûm çê ne be

Dewleta Tirk û maşeyên wan ên li Iraqê naxwazin ku referandûmek bê saz kirin.Ji ber ku ew jî dizanin ger referandûm were kirin wê Kurdan biserkevin.Her wiha ji heman sedeman dijî pêkanîna madeya 140 ê ne ku bi vê madeyê Kurdên ku ji Kerkûkê hatine derxistin paş ve bê vergerandin.Ango destê dijberên Kurdan de tu sedemên mafdar û rewa nînin bo pêşî lê girtina referandûmê.

Dewleta Tirk îdda dike ku bi çêkirina referandûmê wê li Iraqê tundî gurtir be.Lê dewleta Tirk ev yekê eşkere nake ku wê tundkarîyê bixwe derxîne holê.

Jixwe Kurdan 3 sal berê dema çareser kirina kêşeya kerkûkê bo sala 2007an paşvexistibûn.Niha Tirkan planên xwe yên qirêj de serneketin û ji bobi dest xistina zemaneke nû li dû pêşî lê girtin anjî paşvexistina referandûma li Kerkûkê ne
 

Kurdistanî bûna Kerkûkê hilbijartina 2005'an de derketibû holê

Kurdistanî bûna Kerkûkê i serketina lîsteya kurdan di hilbijartina 2005'an de li Kerkûkê derketibû holê.

Gurtir bûna lîstik û planên qirêj ya dewleta Tirk û yên din ne bêsedem û ji nişka ve ye.Wek tê zanîn di sala 2007ê de bo çareserkirina meseleya Kerkûkê dê referandûmeke bêne çêkirin.Dewleta Tirk û Tirkmenan dixwazin rê li ber vê referandûmê bigrin.Ji ber ku ev dizanin ku bi vê referandûmê hemû derew û dêk û dolabên wan derkevin holê û Kerkûk wê bikeve sînora Kurdistana azad.

Kerkûk bajareke girîng ya Kurdistanê ye û ji ber yekê dijminên Kurdan ditirsin ku Kerkûk bikeve destê Kurdan û bi vî avahî hêza Kurdan hin zêdetir be.Her wiha girêdana bajara Kerkûkê bo îdareya hikumeta Kurdistanê wekî pengavekî dawîn ya serxwebûna Kurdistanê tê dîtin û ditirsin ku bi Kerkûkê Kurdistan welateke pirr pêşketî be.

Pispor û stratejîstên Cîhanê jî gellek caran dîyar kirin ku bo dewleteke Kurdistanê bajarê Kerkûk roleke bingehîn dizleyze.Tê dîyar kirin ku çarenivîsa bajarê Kerkûkê çarenivîsê hemû perçeyên Kurdistana mezin e.

Mijara Kerkûkê mijareke neteweyî û stratejîk e.Ger Kurd li Kerkûk bi sernekevin di nêzîk de nebe jî di dema dirêj de wê hemû gelê Kurd û hemû hêz û rexistinên kurd jî winda bikin.

James Baker derbarê rapora Iraqê de agahî da serokê Kurdistana azad

James Baker bi telefonê ji serokê Kurdistanê re got ku wan taybetmendîya Kurdistanê di raporta xwe de li ber çav girtine

Wezîrê derveyê berê yê Amerîka James Baker bi telefonê bi serokê kurdistanê Mesûd Barzanî re peyivî û naveroka raporta komîteya xwe bi kurtî şirove kir.

James Baker ji Serokê Kurdistanê re da zanîn ku wan taybetmendîya Kurdistanê li ber çav girtine.

Di derbarê rapora Grupa Lêkolînê ya Îraqê ya di bin serokatiya James Bakerî de jî Nêçîrvan Barzanî got ew rexneyê li James Bakerî digire ji ber James Bakerî berî amadekirina rapora xwe serdana Kurdistanê nekir û lewra jî di rapora James Bakerî de kêmasiyên mezin hene. (HAWAR-DENGÛBAS)
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan