Kurdistan

Nerazîbûnên KURDISTANîYAN DIjî Rapora Iraqê DIdoME;

Kurdan Çarenivîsa Xwe Dê Teslîmî Destê Çend  Kesan Nekin

NÛÇE-ŞÎROVE:SERHAD B.RÊNAS,HÊJÎN NIZAR / HAWARDENGÛBAS

16 Berfanbar,2006  weşandin:04:23:36 (GDK)

HAWAR-DENGÛBAS-- Her çiqas rapora Baker nehatibe çespandin û George Bush bi pêywendîyeke telefonê ji serokê Kurdistanê Mesûd Barzanî re di derbarê rewşa Kurdistanê de pêbawerî dayî be jî Kurd vê carê wê li gor îxtîmalan tevnegerin.

Li ser rapora Koma Xebata Iraqê ku pêncşemê hatibû eşkere kirin nerazîbûna Kurdan bi avayekî tund didome.Kurd li Ewrûpa û Kurdistanê bi xwepêşandan û kampanyayan raporê şermezar dikin.

Her wiha deshilatdarîya sîyasîya Kurdistanê û rexistinên Kurdan dest bi xebatên dîplomatîk kirin.

Her çiqas rapora Baker nehatibe çespandin û George Bush bi pêywendîyeke telefonê ji serokê Kurdistanê Mesûd Barzanî re di derbarê rewşa Kurdistanê de pêbawerî dayî be jî Kurd vê carê wê li gor îxtîmalan tevnegerin.

Xebatên Rexistinan Kurdan dijî raporê
 

Kurd bo pûc hîştina raporê di nava tevgerê de ne.

Yekîtiya Nivîserên Kurd tayê Dihok civînek pêk anîn û piştî danustandineka dirêj liser pêşveçûnên
nû ya Iraq û Kurdistan ser rapora Iraqê biryar da ku lîjneyek ji 13 rêkxirawa bê pêk anîn.

Ev lîjne li dû pêşhatan dê semîner û kombun û çalakiyan bike bo hişyarkirina xelkê Kurdistanê.

Di beyanameyeke hevbeş de 7 partî û rêxistinên siyasî ên Kurdistanê ên devera Germiyan rapora Baker-Hamilton red kirin û bi berevajî û dijî daxwazên gelê Kurdistanê û Iraq û destûra Iraqê wesif kirin.

Komîta hevkariya hêza siyasiyên Kurdî û Kurdistanî li Siwêdê, federasyona Komeleyên Kurdistaniyan, Instîtîfa Kurd li Siwêd, tevgera Rêfrandoma Kurdistanê komeîta Stokholm,şaxê pêşmergeyên Dêrîn ên Ewrûpa, vexwendiya xwepêşandaneke aştiyane bo berjewendiya gelê Kurdistanê ye bi giştî û çareserî kirina pirsa Kerkûkê bi taybet li pêş balyozxaneya Emerîka li StokhOlmê, dijî rapora Bakîr- Hamilton kirin.
 

Her wiha 14 partiyên siyasî yên li Kurdistanê jî li dijî raporê bûn yek û komîteyek ava kir.

Girîngîya têkdana raporê

Dewleta Tirk û hemû dijberên Kurdan naxwazin ku referandûmek bê saz kirin.Ji ber ku ew jî dizanin ger referandûm were kirin wê Kurdan biserkevin.Her wiha ji heman sedeman dijî pêkanîna madeya 140 ê ne ku bi vê madeyê Kurdên ku ji Kerkûkê hatine derxistin paş ve bê vergerandin.Ango destê dijberên Kurdan de tu sedemên mafdar û rewa nînin bo pêşî lê girtina referandûmê.

Dewleta Tirk îdda dike ku bi çêkirina referandûmê wê li Iraqê tundî gurtir be.Lê dewleta Tirk ev yekê eşkere nake ku wê tundkarîyê bixwe derxîne holê.Her wiha dÎsa lawaz kirina desthilatdarîya Kurdistana azad daxwazîya hemû dijberên Kurdan e.

Rapor bi vî avahî him piştgirîyê dide angaştên pûç ya Tirkan û rejîmên faşîst yê herêmê û her wiha jî rapor tê maneya bê wate hîştina têkîlîyên dema dawî ya Kurdan û DYE.

Gelê Kurd di çerçoveya berjewndîyên dû alî û li gor konjoktura heyî piştgirî dan DYE .Heta piştgirîya han gelek derdorên Kurd û dervey Kurdan de bû sedema rexneyan.DYE ji Kurdan piştgirîye stratejîk û joepolîtîk vergirt.

Xuyaye ku gelê Kurd di hemû perçeyên Kurdistanê de li gel berdewambûna hin çewtîyên xwe dîsa jî ne wek berîya 15-20 salanin.

Gelê Kurd bi amûrên xwe yên dîplomatîk,bi hêzên xwe yên medya û bi dezgehî bûna fermî û bi vebûna xwe ya neteweyî-çandî êdî nehêlin ku çarenivîsa Kurdistanê di destê çend kesan de bê tayîn kirin û peymanên wek Cezayîr û xapandinên kûr bê ferz kirin. (HAWAR-DENGÛBAS)
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan