Kurdistan

Seddam Huseyîn Hate Darve Kirin...Dewra Dîktatorekî û Sembola Zilmên Hember Kurdan Bi Dawî Bû..

30 Berfanbar,2006  weşandin:12:27:29 (GDK)

HAWARDENGÛBAS,BEXDA --Kujdara bi sedhezaran Kurd û dîktatora berê ya Iraqê Seddam Hûseyîn hate darve kirin .

Seddam Huseyîn li bexda ber bi sibê hate îdam kirin.

Televizyona El-Iraqiye ya Iraqê beşek ji dîmenên îdamkirina Sedam Hisên nîşan da.

Darvekirina Seddam di medyaya Cîhanê de cihêkî mezin girt ûgelek deng veda.

Şêwirmendê Ewlekariyê yê hikûmeta Îraqê Muwefeq Rubeî bi xwe bû şahidê îdamkirina Sedam Hisênî û wî ji televizyona CNN-ê re got “Sedam Hisên hêvîşikestî bû lê belê dema nêzîkî kelîtoka îdamê bû diyar nedibû ko ditirse.

Piştî îdamê Serokatiya  Kurdistanê daxûyanîyek belav kir û di daxûyanîyê de hate gotin ku:"Em hêvî dikin ko îdamkirina Sedamî bibe sebebê vekirina rûperekê nû di nêvbera Îraqiyan de û dawiyê li êş û azarên hevwelatiyên bêtawan bîne û divêt ev îdamkirin nebe bihaneyek ji bo bibelgenekirina tawanên enfal û Helebçe û bêserûşûnkirina hezaranan feylî û barzaniyan û perdedanîna li ser wan tawanan."

Piştî îdama Seddam PKK û DTP bi daxûyanîyan ne razîbûnên xwe li hember îdama Seddam dîyar kirin.

Wek tê zanîn Dadgeha bilind ya tawanan li ser tawana Duceyl hikumê bi darvekirinê bi ser Sedamê de kiri bû, dadgeha Temîzê jî ,26ê mehê de ew hikumê pesend kiri bû.


Termê Seddam şiyandin Tîkrîtê

Şêwirmendê Ewlekariyê yê hikûmeta Îraqê Muwefeq Rubeî bi xwe bû şahidê îdamkirina Sedam Hisênî û wî ji televizyona CNN-ê re got “Sedam Hisên hêvîşikestî bû lê belê dema nêzîkî kelîtoka îdamê bû diyar nedibû ko ditirse. Herwiha Muwefeq Rubeî got:

Sedam Hisên pir zû mir, di cih de mir. Wî daxwaza tiştekî nekir û tenê xwest werîsê bi lingên wî ve hinekê bêt sist kirin. Quranek di destê wî de bû û wî xwest ew Quran bête dan bo kesekê wî destnîşankirî.

Muwefeq Rubeî got îdamkirina zirbrayê Sedam Hisênî, Barzan Tikrîtî û serokê mehkemeya şoreşê yê berî Awad Bender hatiye paş ve dan ji ber hikûmeta Iraqê xwest îro tenê ji bo Sedam Hisênî be

Tê îdda kirin termê Sedam şiyandine TîkrÎtê li gor îddayeke din jî Seddam wê li Yemenê bê binax kirin.

Biryar îdamê di sermawezê de hate dayîn

Kujdara bi sedhezaran Kurd û dîktatora berê ya Iraqê Seddam Hûseyîn di mehkema 05 Sermawezê de li Bexdayê de bi cezayê îdamê hati bû cezakirin.

Saddam di mehkema da ji bo kuştina 148 şîayên ereb ku di sala 1980î de hatibun kuştin hat cezakirin. Saddam bi cezayê îdamê û 7 hevalbend û karmendê partîya Baas yên bere bi cezayên cuda cuda hati bûn cezakirin.
 

Jiyana DÎktatorekê

Sedam Huseyîn di sala 1937'an de li bajarê Tîkrîtê ji malbateke xizan hate dinê.

Piştî mirina bavê xwe, ji aliyê dayika xwe û hizmên xwe ve hate mezin kirin. Sedam di ciwaniya xwe de beşdarî nava refên Partiya Baasê bû. Baas wê demê li hemberî emperyalizmê derdiket û azadî û serxwebûna netewî diparast. Seddam di sala 1956'an de li hemberî desthilatdariyê derbeyek kir lê ev derbe bi ser neket. Piştî vê yekê Sedam bi sûcdariya ku dê Serokwezir Abdul Kerîm Hassam bikûje ji Iraqê reviya.

Di sala 1963'an de li Iraqê Partiya Baasê bi ser ket û Sedam jî wegeriya Iraqê. Wê demê bi xwarziya xwe Sacîdeyê re zevicî û jê sê 3 heb qîz bû bawê 5 zarokan. Piştî demekê di navbera partiyê û Sedam de nakokî derketin û Sedam hate girtin.

1968'an de derbeyeke din hate kirin û Sedam bi vê derbeyê re ji girtîgehê derket. Pişt re Sedam kete nava Lijneya Konseya Şoreşê ya Baasê. Seddam di sala 1979'an de bi darbeyekê desthilatdarî bi dest xist û muxalîfên xwe perçiqand. Seddam pergeleke zordest afirand û ew bi îstihbaratê xwe xurt kir.

 

Sedam di 16'ê adara 1988'an de li hemberî kurdan, li bajarê Helepçeyê komkujiyeke mezin pêk anî û bi bombeyên kîmyewî 5 hezar Kurd bi avayekî hovane kuşt.

Her wiha di Enfalê de nêzîkî 182 hezar Kurd hatin windakirin û bêtir ji 4 hezar gundan hatin kavil û wêran kirin. Kartêkirina çekên kîmyewî yên Îraqê di Enfalan de, ko wê li Helebçeyê û cihên din li Kurdistanê bikaranîn hêj heta niha jî li ser mirov û jîngehê maye.


Sedam ê girtî Sedam di sala 1980'yî de bi Îranê re şer îlan kir û hêzên Sedam herema avî ya Şatt El Arab bi dest xistin.

Şerê di navbera Îran û Iraqê de 8 salan dom kir û bi sedhezaran kesî di vî şerî de jiyana xwe ji dest da.

Dema ku şer bi dawî bû herdu alî jî di cîhê xwe yên dest pêkê de bûn. Piştre Sedam di 2'yê gelawêja 1990'î de Kuvveşt dagir kir.

Li ser wê yekê gelek welatên cihanê bi pêşengiya DYA'yê li dijî Iraqê şer îlan kirin. Di 16'ê berfanbara 1990'î de li ser Iraqê bombe bariyan. Şer heya 27'ê reşemîya 1991'an domiya.

Piştî bûyerên 11'ê Rêzberê dîsa çaw zivirîn ser Sedam Huseyîn. Di dawiyê de DYA û Îngîltereê di avrêla 2003'an de, bi angaşta çekên nukleer carekedin li dijî Iraqê dest bi şer kirin.

Hêzên koalîsyonê, di 10 avrêlê de ketin paytexta Iraqê bexdayê û peykerê Sedam Huseyîn ê li navenda bajêr anîn xwar.

Ev roj ji bo gelên li Iraqê wekî destpêkeke nû hate nirxandin. Di serî de gelê kurd, gelên Iraqî rabûn ser piyan û têkçûna pergala Sedam pîroz kirin.

irêdan