Kurdistan

Celal Talabanî;"Rapora Iraqê Dijî Destketîyên Kurdan e"

NÛÇE:HÊJÎN NIZAR / HAWARDENGÛBAS

11 Berfanbar,2006  weşandin:01:32:59 (GDK)

HAWAR-DENGÛBAS,SILÊMANÎ-- Derbarê raporê de Serokê Kurdistanê daxûyanîyek tund weşand.Bi vê raporê tê pêşnîyar kirin ku Kurd piştî ewqas piştgirîyên xwe bo Emerîkayê ji destketîyên xwe yên heyî jî dev jê berdin.

Li ser rapora Koma Xebata Iraqê ku pêncşemê hatibû eşkere kirin rexneyên tund yê desthilatdarîya Kurdistanê ve bi avayekî tund didome.

Serokkomarê Iraqê û serokê YNK Celal Talabanî jî bi tundî raporê rexne kir.Celal Talabanî daxûyanîyek nivîskî weşand û piştgirîya helwesta tund ya serokê Kurdistanê Mesûd Barzanî kir.Talabanî di daxûyanîya xwe de got ku;" Ji ber ku ew rapore destkeftîyên gelê Kurd ne parastiye û Bêker jî di pêvajoya amade kirina raporê de serdana  Kurdistanê nekiriye û bêhtir aliyên xirab nîşan daye."

Talabanî li ser maddeya 140ê çareser kirina meseleya Kerkûkê got ku;"Mafê tu kesî û aliyekî nîne destûr binpêbike û her guhartinek di destûr de tenê bi riya wa tîma taybet re dibe yak u ji aliyê parlemento ve hatiye diyar kirin."

Peter Galbraith;"Bila Kurd têkiliya xwe ji Bexdayê qut bikin"

Di vê navberê de şîroveya herî balkeş ji Dîplomatê berê yê Emerîkayê Peter Galbraith hat.Tê dîyar kirin ku  Peter Galbraith ji serokayetiya kurd daxwaz dike ku ew ji bo serxwebûna Kurdistanê referandûmekê çêbike.Galbraith ji VOA (Radyoya Dengê Emerîkayê) de dibêje heke li Iraqê dest bi cibîcîkirna rapora Baker-Hamilton bibe, divê serokatiya Kurd jî ji bo serxwebûna Kurdistanê referandûmekê çêbike.
Peter Galbrith dibêje divê Kurd bi tûndî li dijî cîbicîkirna vê raporê li Îraqê derbikevin lê heke di vê de bisernekevin divê ew têkiliya xwe ji Bexdayê qut bikin û ji bo serxwebûnê referandûmekê çêkin.
 

Rexistinan Kurdan Raporê şermezar dikin
 

Her wiha komîteya hawkarî Kurdistaniyanî Malmo,PKE(Platforma Kurdên Ewrûpa) û çend komale,dezgeh û weşanên Kurdan bi daxûyanîyan rapora han şermezar kirin.Tê payîn ku li Ewrûpayê Kurd bo protesto kirina raporê çend çalakî li dar bixin.

Helwesta Kurdan di medyaya Cîhanê de ye

Daxûyanîya serokê Kurdistanê Mesûd Barzanî û Celal Talabanî serî de BBC,CNN,The New York Times û bi giştî di medyaya Cîhanê de jî gelek deng veda û gelek weşanan de wek nûçeya yekem hate dayîn.Her wiha ser helwesta Kurdan gelek rojnamenûsên binavûdeng şîroveyên xwe weşandin.Bi ev dengvedanê di qada navneteweyî de niha helwesta Kurdan nîqaş kirin.

Lijneya Bilind ya Maddeya 140:" Rapora Baker tu bandorek li ser karê lijneyê nake"

Endama lijneya bilind ya bicihanîna madeya 140 xatûn Nermîn Osman ragihand ku wekî gelê kurd bi hemû şêweyek dijî her paşxistineke bicihanîna medeya 140 in ji ber ku ew dijî destûra daîmî ya Iraqê ye û di berjewendiya tu aliyekî de nîne ku bê paşxistin.

Xatûn Osman dîyar kir ku karê lijneyê bi asayî bi rê ve diçe û rapora Baker tu bandorek li ser karê wan nake heta wan zêdetir wan rijd dike bo baştirkirina karên lijneyê.
 

Paşvexistina Referandûma Kerkûkê daxwaza Tirkan e

Dewleta Tirk û maşeyên wan ên li Iraqê naxwazin ku referandûmek bê saz kirin.Ji ber ku ew jî dizanin ger referandûm were kirin wê Kurdan biserkevin.Her wiha ji heman sedeman dijî pêkanîna madeya 140 ê ne ku bi vê madeyê Kurdên ku ji Kerkûkê hatine derxistin paş ve bê vergerandin.Ango destê dijberên Kurdan de tu sedemên mafdar û rewa nînin bo pêşî lê girtina referandûmê.

Dewleta Tirk îdda dike ku bi çêkirina referandûmê wê li Iraqê tundî gurtir be.Lê dewleta Tirk ev yekê eşkere nake ku wê tundkarîyê bixwe derxîne holê.

Kurd ne mecburin di alozîya Iraqê de bimînin

Li Iraqê ew 4 salin ku bi operesyona DYEyê rejîma Baas hatîye rûxandin û 4 salin her roj bi dehan Iraqî jiyana xwe ji dest didin û Iraq di her waran de her roj hinek din paş dikeve.

Her wiha dervey Kurdistana azad li Iraqê hişmendîya civak bûnê jî bi temamî ji holê rabûye.Êdî gellek pisporên sîyasî dîyar dikin ku rewşa Iraqê êdî paşve nayê zivirandin.

Başûrê Kurdistanê ku li vê derê 14 sal berê rêverîya azad ya Kurdistan hatîye damezirandin û bi hikumet, parlemen û dezgeh û sazîyên xwe li gel kêmasî û astengîyan be jî pêşdikeve.Di operesyona Emerîka de jî Kurd bi bergehekî stratejîk û konjokturel di hêla DYE de cîh girtin û ew hevkarî dîsa di çerçoveya berjewendîyên her dû alîyan de didome.

Kurd ne fermî be jî niha nêzî serxwebûnê ne.14 salin ku Kurd bi zimanê Erebî naxwînin û naaxifin.Her tişt bi Kurdî ye.Rêveberî bi her avahî ji Iraqê cûda ye.Kurdistana azad her roj hinek din ji Iraqê dûr dibe.

Kurd niha ji ber rastîyên konjokturel niha ji Iraqê venaqetin.(HAWAR-DENGÛBAS)
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan