Kurdistan

Divê Sîyaseta Kurd Xwedî Li Xwendekarên Kurd yên Li Zaningehan Derkeve

NÛÇE-ŞÎROVE:HESEN DILGEŞ / HAWARDENGÛBAS

21 Berfanbar,2006  weşandin:05:32:38 (GDK)

HAWAR-DENGÛBAS-- Di zaningehan de faşîstan bi lêdan û lînç kirinê ser xwendekarên Kurd terorê dimeşînin.Li pişt wan êrîşan rexsitinên faşîst wek MHP cîh digirin û polîs,dewlet û rêveberîyên zaningehan rê li ber wan êrîşan vedikin.

Di rojên dawî de de li zanîngehên Tirkîye de û çend zanÎngehên li bakûrê Kurdistanê de êrîşên dijberên Kurdan tundtir dibin.

Çend roj berê jî Dijberên Kurdan  li Îzmîr,Konye û Enqerê, bi kêr û satoran êrîşê xwendekarên kurd kirin.Çend rojin li zaningeha Mersînê êrîşên şovenan didome.

Her wiha piştî êrîşên şovenên Tirk li zaningeha înonîya Meletîyê herî dawî jî li Meletîyê li yurda xwendekaran a bi navê Baltagazi ji ber sedema axaftina bi Kurdî ûguhdarî kirina mûzîka Kurdî nijadperestên tirk êrîşî xwendekarên kurd kirin û 7 xwendekar birîndar bûn 3 Kurd jî girtin binçavan.


Di zaningehan de faşîstan bi lêdan û lînç kirinê ser xwendekarên Kurd terorê dimeşînin.Li pişt wan êrîşan rexsitinên faşîst wek MHP cîh dgirin û polîs,dewlet û rêveberîyên zaningehan rê li ber wan êrîşan vedikin.

Propaganda heman propagandaye;"Kurd Nîne"

Bi taybetî xwendekarên nijadperest yên Tirk ku di nava nêrîn û îdolojîya "Kurd nîne,Kurdî nîne,Kurdistan nîne,","Meseleya kurd nîne,hêzên derve we fît dikin","Di nava dewletekê de encax yek netew dibe","Ma çima mafê Çerkezan nîne"," Emerîka we bi kar tîne" perwerde kirin,xwendekarên han heman hevokan dÎsa li dij xwendkarên Kurdan tînin ziman.

Xwendekarên nijadperest yên Tirk heman demê de di nava sîstema "ker û kor" de perwerde bûne lewma jî qet pêwîstî nabÎnin ku li rastîya "Kurd û Kurdistanê" hûr binêrin û rastîya neteweya Kurd têbigehên.

Ew bi wan zîhnîyeta "serdema keviran" êrîşî Kurdan dikin,êrîşî axaftina zimanê kurdî dikin,êrîşî guhdarî kirina mûzîka Kurdî dikin ,êrîşî her rastîyeke yê Kurdan dikin.Her wiha ne tenê xwendekar,mamosteyên li zaningehan jî bi heman zîhnîyetê tevdigerin.

Dibertîya hember Kurdan bi destê mamostayan jî tê meşandin

Heta li bajarên wek Amed û Wan ku hêza nijadperestan nîne mamosteyên zaningehan di nava dersan de bêwateyîya xwestekên kurdan tê kirin û Kurd wek xayîn tên nîşan dan.Li Amedê zanîngeha Dîcleyê bi taybetÎ di fakulteya Mîmarî-Endezyarî de heman propaganda bi destê mamosteyan tê kirin.Çend sal berê jî mamosteyên li Zaningeha Dîcleyê nikarîbûn bi hêsanî propagandaya dijî Kurdan bikin lê niha bi piştgirîya rêveberîya zanigehê ev yek pêk tê.

Xwendekarê zaningeha Dicle-  Beşa endezyarîyê bi navê M.K di nameya ku bo HAWAR DENGÛBASê şandiye û li gor hin daxûyanîyên xwendekerên ji vî beşî mamostayên bi navê Sedat KOLUKISA,Orhan ÇAKIR,Vedat ORUÇ,Fahri KARAHAN,Halil GÖRGÜN,Özge ŞABAN,Yaşar CAN û çend mamosteyên din serkeşîya propagandayên dij-Kurd dikin.

Divê rexistinên Kurdan hestîyar bin
 

Di nava vê xirecirê de xwendekeran Kurd hewl didin ku xwe biparêzin,xwe îfade bikin,rastîya Kurd û Kurdistanê rastîya hebûna neteweya Kurd bi hemû alîyên xwe rabixin ber çavan.Bê gûman di nava vê rewşê de divê hêst û psîkolojî ya xwendekarên Kurdan baş were fam kirin.

Divê rexistinên polîtîk yên Kurdan bi civîn,daxûyanî, kampanya, avakirina komîteyên piştgirî û enformasyonê û bi hewldanên din piştgirîyê bidin xwendekarên kurd û xîtabî moralên wan bêne kirin û piştgirî li têkoşîna neteweyî ya Kurdan ya di wî warî de bê kirin.

Bi wan êrîşan careke din derdikeve holê ku Tirk Kurdan qebûl nakin û Kurd tenê dikarin bi rêvebiriyên xwe û li Kurdistanê jiyananek bi ewle dikarin bi dest bixînin. (HAWAR-DENGÛBAS)
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan