Arteşa Tirk li Kurdistana Azad Eşqîyatîyê Dike,31 Gulan,2006

Li gor çavkanîyên li Kurdistana Azad Arteşa Tirk li gel hin cerdevan(cehş) an re bi hincêta pêgirtina sed çekdarên PKK’yê bi dizî xaka Kurdistana azad bûne.

Arteşa Tirk dest bi eşqîtaîye kirîye û daxwaza vala kirina gûndên ser sînor ya Kurdistana azad dike.

Her wiha tê ragihandin kuleşkerên Tirk destdirêjî ser milkên gûndîyan dike.Her wiha tê zanîn ku arteşa Tirk bo tune kirina aramîyê çend caran jî topbaranî axa Kurdistana Azad kirîye.

Wekî tê zanîn ku ev 2 mehên dawî de bo çavtirsana Kurdan û rûxandina destkeftiyên Kurdan di çerçoveyae planekî hevbeş bi kemalîst,mîlîtarîst û derdorên dijminên Kurdistanê re hêzekî mezin ya leşkerîyê ser sînorên Kurdistana Azad.

Dewleta Trik 2 meh berê dest bi sewqîyata leşkerî ber bi sînora Kurdistana azad kir

Dewleta Tirk dixwaze ku hêza û xwe bawerîya Dewleta Federe ya Kurdistan û gelê Kurdistana Azad bê şikestin û her wiha bi taybetî gelê bakûrê Kurdistanê û hemû çavê Kurdistanîyan qaşo bi vê hêzê bê tirsandin.Hêzên berjewendîxwaz û dijminên Kurd dixwazin li bakûrê Kurdistanê asîmîlasyon û prosesa tune kirina ziman,çand û nirxên Kurdistanî ji cihê xwe ku mayê ji nû ve û ji berê bêtir were destpêkirin.

Armanca herî sereke şikandina xwebawerî û hişmendîya Kurdan e. Tevî ku hîna pêşnûme qanûna tekoşîna li dijî terorê di nîqaşê de ye jî zext û cezayên pê tên xwestin bi rojane di meriyetê de.

Nerehatîyeka Tirkîye û dijminên Kurdan wek Îran û Sûrîye damezirandina di rojên pêş de him Hikumeta Kurdistanê him jî Hikûmeta Iraqê û di Iraqê de mezintir bûna hêza Kurd her waran de ye.

Her wiha eşkereye ku Dewleta Tirk û hin grupên di nava Iraqê ku neyartîyê li Kurdan dikin di nava hevkarîyê de ne.

Armanc xirab kirina aramî û pêşketina Kurd û Kurdistanê ye

Ger gelê bakûrê Kurdistanê û hemû gelê Kurd bi yekrezî tevbigerin wê planên Tirkan pûç were derxistin.Di salên dawî de wekî hemû karesat û êrîşên mezin Kurdan nêzî hevûdin kir.Di vê pêvajoyê de jî Kurd divê nêzîkî hev bibin û hişmendîya Kurdeyatî bilind bikin.

Bi xwedî derketina Dewleta Federe ya Kurdistanê û bi serkeftî pêkhatina prosesa serxwebûna vê dewletê,parastina ziman,çand û hunera Kurdî pêkanîna yekrezîyê di nav rêxistinên Kurd e û bi baş bikaranîna amûrên ragihandinên Kurdî ên heyî dewleta Tirk wê êdî heta dawîyê têbigehêje ku Kurd bi tenq û topan natirsin.

Tirkîye li pêy têkdana Dewleta Federe ya Kurdistanêye. Tirkîye wek 15 salên dawî dixwaze Dewleta Federe ya Kurdistanê-başûr têk bibe.Ji bo pêkanîna vê armancê jî bi taybetî arteşa Tirk û hêzên tarî li pêy planên qirêj de ne û wek berê jî lîstikên klasîk amade dikin û bi hinceta PKK û “teror”ê dixwazin êrîşî Kurdistana Azad bikin.Ji bo pêkanîna vê armancê li bakûrê Kurdistanê jî zexta ser gel tê zêde kirin.

Bo pêk anîna vê armancê jî bi taybetî arteşa Tirk û hêzên tarî li pêy planên qirêj de ne.Ev plana qirêj gav bi gav tê pêkanîn.Yaseya nû ya "têkoşîna dijî terorê" perçeyeke vê planê ye û zextên giran tê ser gelê bakûrê Kurdistanê.Ji hemû lîstikên kûr dîsa gelê Kurd wê zirarê bibînê.

Pêşveçûnên dawî piştî bûyerên li Amed û tevahîya bakûrê Kurdistanê careke din nîşan dide ku Dewleta Tirk bi her avahî dijminê neteweya Kurd e û divê Kurd hêzên xwe bikin yek û rêveberî û dezgehên xwe xurtir bikin û di her warê de çalak bin û planên Tirkan vala derxînin.