Civîna Enternasyonala Sosyalîst Kêşeya Kurd nirxand,30 Gulan,2006

Bi tevlîbûna Celal Talebanî serkomarê Îraqê û PDK ya çavdêr di rêxistina Enternasyonala Sosyalîstde û YNK û PDK Îran ya endama wê û Komeleya Zehmetkêşên Kurdistanê wek çavdêr,sekreterê Enternasyonala Sosyalîst Luîz Ayala, Hevserokên DTP'ê Ahmet Turk û Aysel Tugluk û

cîgirên wan Nazmî Gur, nûnerê DTP'ê yê Ewropayê Faîk Yagizay Endamê Partiya Sosyalîst a Fransayê Serîn Parlak li havîngeha Dukanê grûpa Social International civîna Enternasyonala Sosyalîst li dor kêşeya neteweya Kurd li dar xist.

Sekreterê Giştî yê Enternasyonala Sosyalîst Luîz Ayala axivî û ji bo ku cara yekeme ku maldariya civîneke wiha dikin ji rayedarên YNK'ê re spasiyên xwe anî zimên. Ayala, kêfxweşiya xwe ya ji bo pêşketinên têkildarî rewşa kurdan anî zimên û diyar kir ku yekbûna herdu rêveberiyên li Kurdistana Federal ji bo herêmê wekî gaveleke gelek pêşketiye. Ayala da zanîn ku pêşketinên li Kurdistana Federal bandorê li ser rewşa hemû kurdan dike û da zanîn ku ew wekî Enternasyonala Sosyalîst baweriya xwe bi aştî, azadî û biratiyê tînin. Ayala got ku loma jî ew gelek girîngî didin xebatên Koma Xebatê ya Kurd û daxuyand ku ew wekî Enternasyonala Sosyalîst pişgiriyê didin mafên gelê kurd.

Her wiha di axaftinan de hate gotin ku ”Li cîhanê mînakên bi vî rengî hene. Pirsgirêk wiha yên wekî ÎRA û ETA'yê jî bi awayekî siyasî ber bi çareseriyê ve diçe. Divê pirsgirêka kurd jî di vê çarçoveyê de were nirxandin."

Di civînê de nûnerên Enternasyonala Sosyalîst bi dîtina îdolojiyaya xwe ku daxwaza mafên neteweyên azadîxwaz dike, piştgîrî û alîkariya xwe ji bo mafê neteweya Kurd li her çar perçeyên Kurdistanê diyar kir û azmûna serketiya siyasî û îdariya başûrê Kurdistanê jî wek faktorekê erênî ya serketin û pêşdebirina pirsa gelê kurd li perçeyên din yên Kurdistanê qebûl kirin.