Kurdistan

Li Kerkûkê Karê Tirkmenên Di Bin Kontrola Dewleta Tirk û Ereban Tenê Xirabkarîye

NÛÇE-ŞÎROVE;HESEN DILGEŞ

22 Kewçêr,2006 weşandin:08:13:24 (GDK)

HAWARDENGÛBAS--Bi hewlên dewleta Tirk karên xerabkarîyê Tirkmen û Ereban zêdetir dibe.Di mehên dawî de li bajarê Kerkûkê navbera Erebên dij-Kurd û bereya Tirkmanan de civînên bo pêkanîna planek hevbeş ji bo asteng kirina tevlî bûna Kerkûkê û derdorê wê ser sînora Kurdistana azad.
 

Bi hewlên dewleta Tirk karên xerabkarîyê Tirkmen û Ereban zêdetir dibe.

Dewleta Tirk her çiqas Kurdistanî bûna Kerkûkê dizanibe jî ji
ber asûna stratejîk ya Kerkûkê bi fît kirina Tirkmen û Ereban dixwaze serketina Kurdan asteng bike.

Doh jî enîya Tirkmenan dîyar kirin ku ew dixwazin tevlî karên komîsyona cêbecekirina madeya 140. bibin.

Piştre nûnerê serokê Kurdistanê Qadir Ezîz di komîteya asayîkirina rewşa Kerkûkê, ragihand ku kes agahdarîya van guhartinan nebûye ku Nûrî Melkî serokwezîrên Iraqê li nav komîteya bi cihkirina madê 140 ji destûra herdemîya Iraqê encam daye, her wiha dîyar kir ku tevlî kirina nûnerên enîya Turkmenan di nav komîtey bêguman bibin sedema astengîye û têkdana hawsengîyê ye li nav komîteyê de û di prosesa bi cihkirina madê 140 ji destûra Iraqê.

Her wiha Qadîr Ezîz xuya kir ku eger hikûmeta Malikî jî wek hukûmeta Ceferî astengan tênexe hember bi cihkirina madê 140, em hêvîdarin ku ta dawîya dema destnîşankirî rewşa Kerkûkê asayî bibe.

Di demên dawî de li çend deverên bajarê Kerkûkê navbera Erebên dij-Kurd û bereya Tirkmanan de civînên bo pêkanîna planek hevbeş ji bo asteng kirina tevlî bûna Kerkûkê û derdorê wê ser sînora Kurdistana azad.

Rayedarên Kurd dîyar kirin ku gellek civîn derbarê vê mijarê tê li dar xistin lê rayedarên Iraqê di meseleya Kerkûkê de bi berpirsyarî tevnagerin.

Her wiha rewşenbîrên Kurd nerazîbûnên li Kerkûkê beramberî kongeraya alîgirên Baas û Erebên şoven ku têde posterên dîktator Sedam jî hatibû bilind kirin dîyar kirin.

Hate dîyar kirin ku berpirsyarê li dar xistina vê kongreyê tenê hikumeta Iraqê ye.

Li beramberî hewlên Dewleta Tirk,Tirkmen û Ereban xebata hevbeş ya Kurdan pêwîste

Tirkîye gelek caran xwest bi hincêta Tirkmenan jî êrîşî Kurdan bikin lê hilbijartinên li Kerkûkê derxist holê ku Kerkuk bajarekî Kurdîye û angaştên Tirkan pûç derketin.

Mijara Kerkûkê ji mijarên din yên eleqedar bi başûrê Kurdistanê cûda ye.Ji ber ku ev mijareke neteweyî û stratejîk e.Ger Kurd li Kerkûk bi sernekevin di nêzîk de nebe jî di dema dirêj de wê hemû gelê Kurd û hemû hêz û rexistinên kurd jî winda bikin.

Gurtir bûna lîstik û planên qirêj ya dewleta Tirk û yên din ne bêsedem û ji nişka ve ye.Wek tê zanîn di sala 2007ê de bo çareserkirina meseleya Kerkûkê dê referandûmeke bêne çêkirin.Dewleta Tirk û Tirkmenan dixwazin rê li ber vê referandûmê bigrin.Ji ber ku ev dizanin ku bi vê referandûmê hemû derew û dêk û dolabên wan derkevin holê û Kerkûk wê bikeve sînora Kurdistana azad.

Kerkûk bajareke girîng ya Kurdistanê ye û ji ber yekê dijminên Kurdan ditirsin ku Kerkûk bikeve destê Kurdan û bi vî avahî hêza Kurdan hin zêdetir be.Her wiha girêdana bajara Kerkûkê bo îdareya hikumeta Kurdistanê wekî pengavekî dawîn ya serxwebûna Kurdistanê tê dîtin û ditirsin ku bi Kerkûkê Kurdistan welateke pirr pêşketî be.

Pispor û stratejîstên Cîhanê jî gellek caran dîyar kirin ku bo dewleteke Kurdistanê bajarê Kerkûk roleke bingehîn dizleyze.Tê dîyar kirin ku çarenivîsa bajarê Kerkûkê çarenivîsê hemû perçeyên Kurdistana mezin e.Mijara Kerkûkê ji mijarên din yên eleqedar bi başûrê Kurdistanê cûda ye.Ji ber ku ev mijareke neteweyî û stratejîk e.(HAWAR-DENGÛBAS)

 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan