Zimanê Kurdî

Lêkolîn

Zimanê Kurdî. Zêdetir

Hûrnêrîn
Rewşa Geşedan û Hilberîna Bi Zimanê Kurdî Zêdetir

Ferhêngên Kurdî

www.ferheng.org

Dibistana Zimanê Kurdî

www.dibistanakurdi.com

Beşa Kurdistan

Arteşa Tirk xwest,dozger Sarikaya ji kar hate dûrxistin;

Ma Gelo Hûn Heta Kengî Rastîyan  Veşêrin!

22 Nîsan, 2006 09:12:43 (GDK)

HAWARDENGÛBAS,AMED,Kurdistan--Komîsyona Şemzînanê ya Parlemena Tirkan bi hewlên arteşa Tirk û dewleta kûr ve bûyerên Şemzînên de Dewleta Tirk wekî "bêtawan" hate îlan kirin û sîyaseta qirêj ya 80 salî a Dewleta Tirk berdewam kir,dîsa di bin navê PKK de gelê Kurd hate sûcdar kirin.Dawîyê de jî arteşa Tirk sizaya Ferhat Sarîkaya jî birî û ji kar hate dûr xistin.

Nûçe – Şîrove / Hesen DILGEŞ

Bi yaseya nû ya "têkoşîna dijî terorê" re jî zextên giran tê ser gelê bakûrê Kurdistanê.Ji hemû lîstikên kûr dîsa gelê Kurd wê zirarê bibînê.

Her wiha bi yasaya nû re terorîstên Dewleta Tirk wek serbaz Alî Kaya jî wê serbest werin berdan.Di rapora komîsyona Şemzînanê de hatibû gotin ku hemû îdîayên Dozgêrê Wanê bêbingeh in û têkilîdanîna bombekirina kitêbxana Seferî Yilmaz bi leşkeran re ’fantaziyeke huqûqî” ye.

Dozger Ferhat Sarikaya ji wezîfe hate dûr xistin

Dewleta Tirk tehemmulî eşkere kirina rastîyan nekir bi beralîkirina arteşa Tirk û herî dawîyê de jî doh Ferhat Sarîkaya ji wezîfeya xwe hate dûr xistin.Hin di destpêka bûyerên Şemzînanê de dîybar bû bû ku Dewleta Tirk harî dawîyê vê mijarê bi dêkûdolaban veşêre.Ji ber ku ev sîyaset li Tirkîyeyê 80 sale neguherî ye.

Baroyên li bakûrê Kurdistanê îxraçkirina ji peywirê a Sarikaya şermezar kir

Baroyên li Kurdistanê bi daxuyaniyeke hevpar li dijî biryara Lijneya Bilind a Dadger û Dozgeran, a der heqê Dozgerê Wanê Ferhat Sarikaya de derket û biryar şermezar kir.

Tirkîye jixwe tu pêşketinên bo Kurdan ji dil nekiribû û hemû hêzên tarî li pêy xirab kirina rewşa heyî ya bakûrê Kurdistanê bûn.Niha jî bi yasaya nû ya “dijî terorê” re dixwazin zextên li ser bakûrê Kurdistanê zêdetir bikin û navê Kurdan bi hinceta PKK terorrîze bikin û piştre jî bi heman hincetê jî êrîşî deskeftîyên Kurdistana Azad bikin.Ji ber vê yekê divê rexistinên Kurdan li şûna ku banga hestîyarîyê li gelê bakûrê Kurdistanê bikin, ji bo pûc derxistina planên dijminên Kurdan bi çalakî,meş û xebatên cur bi cur bi taybetî li nava welat bikevin liv û tevgerê.

DÎGÎAD: Hişkbûna zagonan 'terorê' naqedîne

Serokê Lijneya Rêveberiya DÎGÎAD'ê Abdulkadîr Alakuş, Zagona Têkoşîna Bi Terorê Re ya ku bûyerên li Amedê qewimîn wek hincet hatin nîşandan û hate derxistin, rexne kir. Alakuş hişyariya "Hişkkirina zagonan dê bûyerên terorê dê neqedîne. Berovajiyê vê yekê, dê bibe sedema kûrbûna bûyeran. Bûyerên şîdetê wek mane têne nîşandan û zagon têne derxistin. Mîna ku bûyerên awarte têne jiyandin nîşan didin û ev yek jî dê gelek tişt bi civakê bide wendakirin" kir.

Dewleta Tirk wek 80 salê rabirdû li pêy veşartina terora xwe û qedandina heyîna Kurdan e

Piştî bûyerên li Şemzînanê rayedarên Dewleta Tirk  dîyarkiribûn ku wê “Em herin ser vê bûyerê û tawanbaran derxînin ber dadê,ev tawanbar ji nava dewletê be jî”.

Lê politikaya 80 salîya Dewleta Tirk ku ser bingeha tune kirina hebûna Kurd û Kurdistanê hatîye avakirin dîsa xwe neguherand.

Pêşî bo xepandina  raya giştîyê Cîhanê hin daxûyanîyên derew hate kirin û niha jî “tola derxistina holê terora Dewleta Tirk ji alîyê gelê Şemzînanê ve” tê girtin.

Wek zanîn di meha Adarê de jî bi îddanameya serdozgerê Wanê jî Terora Arteşa Tirk hatibû eşkere kirin û ev mijar Tirkîye bi rojan di rojevê de ma bû. 

Serdozgerê Tirk  Ferhat Sarikaya,  li ser bûyerên Şemzînanê de bo Fermandarê Giştî yê Hêzên Bejayî ya Artêşa Tirk Yaşar Buyukanit de di îddia name de destnîşan kiri bû ku ji ber ku bersûcê Şemzînan parastiye û ji bo yek ji wan berbaz Alî Kaya gotibû “ez wî nas dikim û ew kurekî baş e” ji ber vê yekê ser hiquqê bibandor bûye.

Di îdîanameya bûyerê ku ji hêla Ferhat Sarikaya ve hati bû amadekirin, dema behsa JÎTEM'ê dikir, sûdê ji îfadeyên Abdulkadîr Aygan ku demek dirêj ji bo JÎTEM'ê xebitiye,hati bû girtin û têkildarî mijarê wiha hati bû gotin: "Îtîrafkarê PKK'ê Abdulkadir Aygan li gorî agahiyên di çapemeniyê de derketîn dibêje ku li ser navê JÎTEM'ê xebitiye.

Ew di nav tîmên kuştina niviskar Musa Anter de cih girtiye. Îtîrafkarê PKK'ê gotiye; 'Me Musa Anter kuştiye' bi van îtîrafên xwe kuştina Murat Aslan jî ku 10 sal berê hatiye kuştin û li Silopî hatiye binaxkirin, derxiste holê. Aygan di îtîrafên xwe de gotiye 'Çalakiya me ya herî mezin kuştina Musa Anter bû' Pirtuka bi navê 'Îtîrafçi' ku ji hêla Tîmur Şahan û Ugur Balik ve hatiye nivisandin, serdemekê ronî dike."

Bi avayekî zelal eşkere bûyîna Têkîlîya Arteşa Tirk terorkirina gelê Kurd de di çapamenîya Biyanî û Tirkan de cîheke mezin girti bû.Gelek rojnameyên bîyanê ser vê bûyerê bi nûçe û şîroveyan sekinî bûn.

Nijadperestên Tirk ji vê pêşketinê nerazîn e û dibêjin “tê xwesitin ku rûmeta arteşa Tirk were şikandin”.Her wiha nivîskar û rojnamegerên Kurd jî piştê arteşêdigrin.

Bûyerên Şemzînanê Çawa Destpêkir

Li Şemzînanê Pirtûkxaneya Umut 11 Sermaweza 2005’san de ji alîyê 2 serbaz û çawişekî pispor bombe hatibû avêtin û di encamê de M. Zahîr Korkmaz jiyana xwe ji dest da bû û Metîn Korkmaz jî birîndar bû bû û piştî bûyerê gelê Şemzînanê êrîş biribûn ser erebeya ku ya serbazan bû û bi rojan çalakîyên gelê şemzînanê berdewam kiribû.

Çawişê Tirk bi navê Tanju ku  de ji erebeyê derketibû û gûle weşandi bû ser gelê Şemzînanê û bû bû mirîna Kurdekê bi navê Alî Yilmaz di encama dadgehêde serbest hatibû berdan.

Bûyer wekî “Susurluka Duyemîn”  tê binavkirin.

9 sal berê seyareyek ber riya Susurlukê(navçeyekê Tirkîye) qeza kiribû û piştî vê rûdanê têkîlîyên qirêj yên mafya,dewleta tirk,polîs û hin serekêşîrên eslkurd derketibû holê.

Di bûyera Şemzînanê de jî serbaz telefonê  kuştarê bisedan Kurd xwînxwar Mehmet Ağar kirin e û derdikeve holê ku dîsa lîstikên li dijî gelê Kurd heman avahî tê meşandin û êrîşên ser Kurdan  hin jî ji parlemana Tirkîye tê birêvebirin ku Mehmet Ağar niha parlmeneter e û serokê partîya DYP(partîya Çîller a hov) ye. 

Di dîroka Komara Tirk de ser gelê Kurd bi sedan car bûyerên bi vê rengî hat kirin lê yekemîn care ku ewqas vekirî sûcdarên bûyerê tên girtin.Bi avayekî zelal dewleta Tirk bi her avahî (an bixwe-an jî bi destê hêzên din) karên teroristî dimeşîne.

Di bûyerên Şemzînanê de Çawişê Tirk bi navê Tanju ku  de ji erebeyê derketibû û gûle weşandi bû ser gelê Şemzînanê û bû bû mirîna Kurdekê bi navê Alî Yilmaz di encama dadgeha duh de serbest hate berdan.

Hin vê demê de eşkere bû ku Dewleta Tirkîye xwedî li terora xwe derdikeve dixwaze ser skandala Şemzînanê û terora xwe bigre.