HAWARDENGÛBAS | Serokê Kurdistanê; Serxwebûn bo gelê Kurd wekî neteweyek ji mafê xwe yê siruştîye.12 Nîsan,2006

HAWARDENGÛBAS,HEWLÊR,Kurdistan--. Doh bo bîranîna rêberê serhilanê salên 1922'an Şêx Mehmûd Berzencî ji alîyê wezareta rewşenbîrî yê hikumeta Kurdistanê ve li Hewlêrê festîvalek hate li dar xistin.Serokê Kurdistanê jî yek ji axaftvanê vê festîvalê bû li ser çend xalan peyamên girîng da.

Ji bo bîranîna rêberê serhildanê salên 1922'an Şêx Mehmûd Berzencî doh ji alîyê wezareta rewşenbîrî yê hikumeta Kurdistanê ve bi navê “Şêx Mehmûd Hefîd, hikûmet û Şoreşên wî” li Hewlêrê festîvalek hate li dar xistin.Serokê Kurdistanê jî yek ji axaftvanê vê festîvalê bû.

Serokê Kurdistanê wekî her carê bi eşkereyî ser hin xalan de axifî û got ; Wekî her neteweyeke din, ji mafên Kurdane jî dewletek wan hebe û hevdu bigrin.Her çiqas dijmin û nehezên gel nehêştin ku dewletên Kurdan temen indirêj be û zû ji navbirin, lê ev bû rastîyeke ku di mêjka her Kurdekî de maye û ta dunya maye her dimîne.

Di şera yekemîn yê cîhanê de, heger ji Kurdan bihatiba pirs kirin, bêgûman wekî her mileteke din Kuran jî serbixweyî hidibjard, ji ber ku wekî neteweyek ji mafê xwe yê siruştîye. Îroro em dizanin neheqîyek ser me hatîye ferizkirin û em dabeşkirine, nabê em bitirsin dema em li ser wê neheqîyê û wê xedra li me hatîye kirin biaxifin.

Serokê Kurdistanê Mesûd Barzanî axaftina xwe wiha dom kir; “Ez soz didim gelê Kurd da ku pêkol bo damezrandina hikûmetek yekbûyî û yasayî bê kirin ku milet li hemû tiştekî agahdar be û bi şêweyeke demokrasî hemû tiştan were cêbecêbikin. Herwiha balkişand ku asayîş û aborîya Kurdistanê ji berê baştire her çiqas ku hinek kêmasîyên destûr li Bexda mane û xebat bo çareserkirinê wan arîşeyan jî didome.

Serokê Kurdistanê li dawîya axaftina xwe de girîngîya ciwanên Kurdistanê bal kişand û got: Bila ciwanên welêt xebat bikin ku ewê niha heye baştir bikin, lê dîroka xwe yê tijî ji serwerî û mezinahîyê biçûk û bê nirx nekin.

Festîvala Şêx Mehmûd Berzancî wê sê rojan bidome û çendîn kesayetî naskirî ronahî bidine ser alîyên Şoreşa Şêx Mehmûd Berzencî.

Pêywendîdar;

Şêx Mehmûd Berzencî rêber û şoreşgerê kurd li başûrê Kurdistanê bû.

Şêx Mehmûdê Berzencî kurê şêxê qadirî, Şêx Seîd e. Piştî ku bavê wî di sala 1908ê de, ji alî Osmaniyan ve hate kuştin, Şêx Mehmûd dewsa wî girt. Di salên Şerê Cîhanê ê Yekê de, ji bo avakrina dewleteke serbixwe ya Kurdistanê xebitî. Bi vê armancê, bi kurdên rojhilatê Kurdistanê re tifaq danî û li hember ingilîz û ereban şer kir.

Piştî perçebûna xaka Kurdistan bi peymana Lozanê re gelek serhildanên Kurdî çêbû û tu serhildan jî negihîşt encamê.Bi Peymana Lozenê re Îngilizan bûbûn deshilatdarê Iraqê.Di dema desthilatdarîya Ingîlizan de politikayeke dûalî hat meşandin.

1922 de Şêx Mehmud hikumata Kurdistanê avadikir û xwe weke Melikê Kurdistanê radihand û ev hikûmet ji alîy Brîtanîyan ve hate rûxandin û piştre jî du caran dewleta serbixwe îlan kir, xwe jî qralê dewletê nîşan da.Lê encam dîsa eynî bû. Li hember êrîşên ereb û ingilîzan heta sala 1932ê li ber xwe da. Şêx di sala 1956ê de çû ser dilovaniya xwe.