Kurdistan

Gelek belgeyên fermî di derbarê guherandina dîmografyaya Kerkûkê de hatin dîtin
 

21 Rezber(Îlon), 2006 weşandin:08:23:12 (GDK)

Di çarçova xebatên nunerên Kerkûkê yên di komîta bicîanîna benda 140î ji makezagoniya îraqê de, zêdetir ji 1000 berjeng û belgeyên fermî yên ku siyaseta guherîna dîmografiya bajêr ya ji aliyê Rijîma binaxbûyî ve pêk dihat; didin nîşan, hatin dîtin.

Di kongireke çapemeniyê de ku ji aliyê Nunerên parêzgeha Kerkûkê di Komîta cî bicî kirina bendê 140î ji destûra iraqê (Tehsîn Kehiya, Kake Reş û Mihemed Xelîl) ve, li Avahiya Encûmenê parêzgehê hate li darxistin, Nuneran diyar kirin ku di çarçova karên wan de dest danîn li ser 1000 belgeyî ên ku di heyamê Rijîma Baas de der hatibûn, û ew berjengên ku hatin dîtin, rewşa guherînên ku ji aliyê Baas ve hatibûn kirin li ser demgrafiya navçeyê, herweha kiryarên şovînî jî, eşkere dikin.

Tehsîn Kehiya da xuyakirin ku ne Ereb û ne Tirkuman nikarin ku bibin dijber ji cî bicî kirina bendê 140ê ji ber ku ew bend yasayî ye û di destûra îraqê de jî heye.

Her weha Kake Reş da zanîn ku wê di kerkûkê de rêfrandomek pêk bê û di riya wê rêfrandomê de wê çarenûsa kerkûkê bê naskirin, yan wê bi Kurdistanê ve bê girêdan û yan jî wekû herêmeke serbixwe wê bimîne. Û ku berpêk û asteng bêne pêşiya cî bicî kirina vê madeyê, dê pirsgirêka kerkûkê li ber dadgeheke navxoyî bê raxistin û heger tu encam newin bidsetxistin dê ev mijar li ber dadgeheke nêvdewletî jî, bê vekirin.
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

irêdan