Kurdistan

Erebên Iraqê Dîsa dan Îspat Kirin ku Dijî rastîya Kurdistana Azad in

Dijberên Kurdan ser biryara alayê eciz bûn

06 Rezber(Îlon), 2006 weşandin:12:42:40 (GDK)

  Bi Biryara Ala Kurdî Careke Din Dijberên Kurdan rûyên xwe yên rastî nîşan dan / grafîk:HAWARDENGÛBAS

Ser biryara daliqandina alaya Kurdî û rakirina alaya Basê li seranserê Kurdistana azad bi fermana Serokê kurdistanê Mesû Barzanî dijberên Kurdan di serî de Dewleta Tirk û maşeyên wan yên li Iraqê Enîya Tirkmenan û her wiha serokwezîrê Iraqê El-malikî xiste tengasîyê.

Di serî de medyaya Tirkî,medyaya bîyanî cihekî girîng veqetand ser biryara alaya Kurdistanê.

Serokkomarê Iraqê Celal Talabanî jî piştgirî da biryaya alaya Kurdistanê û da zanîn ku "alaya niha alaya baasê te û divê bo Iraqê alayeke nû bê çêkirin"

Talabanî di daxuyaniya xwe ya nivîskî de got, ''di destûra bingehîn de hêna valahiyek heye û mijara Al'ê bi awayekî fermî nehatiye destnîşankirin. Ji ber vê jî heta Iraq Ala xwe ya nû erê bike, hişt ku parlamena Kurdistanê jî Ala xwe qebûl bike.

Li ser gurr bûna niqaşên ser alaya Kurdistanê serokê Kurdistana azad daxûyanîyek din da û got " Iradeya Gelê Kurd ji Perlemantoya Kurdistanê di herike û tê pirsîn, û di çi demî de ku Perleman giringiya Serxwebûnê, bibîne wê çaxê emê vê yekê radighînin bê tirs ji tu kesî, lê me jiyana hevbeş digel îraqê de me hilbijart û debête ku hemû aliyên din jî vê yekê diber çavên xwe re derbas bikin ji ber ku Kurdan federe qebûl kirin e"

Barzanî destnîşan kir, di bin vê alê de Enfal pêk hatiye, lewma ewê bikar neynin.

Mesûd Barzanî da xuyakirin, ev demeke dirêje li Kurdistanê ala Iraqê tineye û li gorî xala 12.emîn a Destûra Bingehîn divê ala ji dema Saddam maye bê guhertin.

"Eger bê guhertin cihê ala nû li ser serê me heye. Lê ala niha ala Saddam e. Di bin vê alê de Enfal pêk hatine."

Barzanî da xuyakirin, ew parçek ji Iraqê ne û eger xwestibûna dikarîbûn ji sala 1991an ve dewletek serbixwe avakiriba, lê ew di bin banê Iraqa federal de mane û ji bo vê yekê divê ji wan re spas bikin.

Her wiha Barzanî hewldanên hin aliyên şovînî bo têk birina kirina destûra îraqê jî destnîşan kir.

Ereb û Tirmenên girêdayî dewleta Tirk eciz bûn

Nûrî El Malîkî jî bi daxuyaniyekê ferman da ku ala Iraqê li her santîma axa Iraqê were hejandin. Serokwezîrê Iraqê Nurî El Malikî diyar kir, ala Kurdan ne rewa ye.

Wek tê zanîn Malîkî hefeteye berê hatibû Kurdistana azad û mesajên dostanîyê dabû.Lê bi helwesta xwe ya dawî rûyê xwe ya rast nîşan da û careke din da îspat kirin ku Ereb dijî rastîya Kurdistana azad in.

Temsîlarê erebên sûnnî Saleh el-Mutlaq jî qaşo Kurdan hişyar kir û gor emê rê nedin ku Iraq ji hev cûda be.

Serokê Bereya Tirkmenan Saadettin Ergeç jî ragihand ku “ daxistina alayê tê wateya ku tu wî welatî nas nakî. Daxistina alaya Îraqê gaveke ji bo avakirina dewleta serbixwe ye li bakûrê Îraqê.” Di nivîseke rojnameya New York Times de a li ser vê mijarê derketiye li ser fikarên ku dikare di rojên pêşde derkevin holê hatiye sekinandin û rojname dinivise “ Talîmata ku serokê Kurdistanê mesûd Barzanî daye, remzek kurdan e ku dixwazin mesafeyê têkin navbera xwe û ereban.”

Ereb tehemmulî rastîya Kurdistana Azad nakin

Erebên Iraqê û bi giştî cîhana Erebî ji rewşa gelê Kurd nerazîne û pêşketina Kurdan naxwazin..

Iraq jî wek welatên din yên dagirkerên Kurdistan welatek sunî ye û di nav Ereban de jî nakokîyên mezin û dîrokî hene.Rewşa başûrê Kurdistanê bi her avahî ji Iraqê cûdatir,pêşketî û ewletir e.Ji hikumetê heta medyayê,ji ziman û çandê heta taximên fitbolê, Kurd ji Ereban ji Iraqê cûdatir in û “dûr” in.Ger li Iraqê rewş ber bi xirab bûnê biçe dibe ku Kurd jî bi avayekî xwezayî ji Iraqê bi temamî veqetin.

Tirkiye  jî dixwaz  dijê Kurdan bi erebên Iraqê,bi îslamîstan re, bi cepheya Iran-Suriyê re planekî dijî dewleta Kurdistanê amade bike.

Siyaseta Tirkiyê hemî ser pêşî lêgirtina damezirandina Dewleta Kurdistanê hatiye danîn. Armanca wan ya esasî ev e. Û ji wê dakeve ji bo astengiyan ji Kurdan re derbixin çi ji destê wan tê qet texsîrê nakin.

Bi nêzîk bûna dema çareserîyê li Kerkûkê û bi pêşketina Kurdistana azad di her waran de,dibe sedema xebatên xerabkarîyê ya Tirk û Ereban.

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

irêdan