Kurdistan

YNK û PDK civînek li dar xistin

10 Sermawez,2006 weşandin:02:43:12 (GDK)

Îro herdu Mekteba Siyasî ya YNK û PDK li baregeha Mekteba Siyasî ya PDK, li hev civiyan.

Civîn bi amadebûna, Kosret Resûl Elî, Kemal Fûad, Ednan Muftî, Erselan Payîz, Sadî Ehmed Pîre ji YNK û ji PDK jî Azad Berwarî, Mesrur Barzanî, Zeîm Elî, Mehmud Mihemed, Azaldîn Berwarî hate saz kirin.

Di civînê de çendîn babetên girîng hatin gotûbêj kirin taybet li ser taslaqa destûra Herêma Kurdistanê û bal hate kişandin li ser reçawkirina mafên hemû kêmineyên dînî û neteweyî di destûrê de.

Her weha rewşa navxweyî ya Kurdistanê û îstîqrara ewlehiyê û aramiya herêmê û dîsîplînkirina dam û dezgehên hikûmeta herêmê û baştir birêvebirina karên hikûmetê jî hate gotûbêj kirin.

Di babeteke din ya civînê de behsa vekirina nivîsgeha herêma Kurdistanê li balyozxaneyên Iraqê yên li derveyî welat hate kirin ku li gorî destûra Kurdistanê divê kurd nûnerê xwe li balyozxane û konsolxaneyên Iraqê hebe.

Diyarkirina siyaseteke hevbeş û yekhelwestî ya serkirdayetiya siyasî a Kurdistanê li hundir û derveyî Iraqê, babeteke girîng ya civînê bû..(Pukmedia)
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan