Kurdistan

Fettulah Gulen Bo Tune kirina Kurditîyê Niha jî Dest Avêt Mêrdînê

NÛÇE-ŞÎROVE;SERHAD B.RÊNAS / HAWARDENGÛBAS

13 Sermawez,2006 weşandin:10:23:54 (GDK)

HAWAR-DENGÛBAS,MÊRDîN,Kurdistan--Di demên dawî de bajarê dawî ku bûye hedefa qirêj ya Fettulahçîyan e bajarê Mêrdîn e

Fethullah Gulen û cemaeta wî ku wek Fettullahçî tên naskirin li gelek welatan, ji bo belavkirina karîgeriya Tirkîtiyê û bîrûbaweriyên cemaeta xwe ya dînî, xwendegehan ji dibistanê heta unîversîteyan vedike

Li bakûrê Kurdistanê Fettullahçîyan yek ji perçeya asîmîle kirina neteweya Kurd in.

Fettulahçî li bakûrê Kurdistanê bi taybetî li bajarê Amedê birexistinin.

Hessasîya olî ya gelê bakûrê Kurdistanê tê bi karanîn û bi dersxane,dibistanên taybetî,mal û yurdên bo xwendekaran,bi rojname,kovar û pirtukan ciwanên Kurd têne asîmîle kirin.

Televîzyona Samanyolu TV(STV) û rojnameya Zaman,kovara Aksîyon,kovara sizinti û gellek weşanên din û bi hin weşanên herêmî jî di îdolojîya Fettulahçîyan de weşan dikin.

Li Diyarbekîrê bi dehan malên wanên bo xwendekaran heye.Xwendekarên ku -bi taybetî ji dervey Amedê tên- ji ber ewlehîyê li şûna ku malênşexsî û yurdan da bimînin diçin malên fettulahçîyan û her malekê de 5-7 xwendekar  dimînin.Malên bo kêçan û kuran heye.Li gorî texmînan di her kolanê de 1-2 malên Fettulahçîyan heye.

Fettulahçî bi taybetî sîstema perwerdeyê bi dest xistine û piştî bûyera 28 sibata Tirkîyê bo legal bû û pêşketinê vê qadê ji xwe re wekî bingeh girtine ji dersxane û dibistanên taybetî bigrin,kovarên zanistî pirtukên bo amadekarîya ûniversîte  ji alîyê wan tê weşandin.

Xebatên Fettulahçîyan bi piştgirîya gellek derdorên dijberên Kurdan li hemû bakûrê Kurdistanê heta Kurdistana azad jî tevde tê meşandin.

Hedefa nû bajarê Mêrdîne

Di demên dawî de bajarê dawî ku bûye hedefa qirêj ya Fettulahçîyan e bajarê Mêrdîn e.Li Merdînê  bi koleja  Atak û dersxaneya Sur de zarokên Kurd di çerçoveya fikra Tirkperwerî-Îslamî tên perwerde kirin.Dîsa li Mêrdînê bi mêrîyên xwe di qada aborî,perwerde û gelek warên cûda de propgandaya tirkperwerîyê tê kirin û dijberîya daxwaz,hebûn û mafên Kurdan tê kirin.

Sedema girîngî pêdana wan a ser perwerdeyê ji ber fikra "Mezinên pêşarojê, biçûkên îro ne" tê.

Fettulahçî li Mêrdînê jî wek bajarên din yên kurdan bi bikaranîna hessasîyata dînî ya kurdan birexistin dibin û mezin dibin.

Bi taybetî di 2 salên dawî de ser Mêrdîn ji her demî zêdetir xebatên asîmîle kirina Kurdan û bo belav kirina propgandaya yek neteweyî,yek alî û qaşo "biratî" hewl tê dayîn.

Fettulahçî ji ber taybetmendîyên dîrokî û ji ber ku Mêrdîn piştî Amedê yek ji bajarê ku herî zêde bala Ewrûpayê dikşîne hewlên xwe yên dijî Kurdan li Mêrdînê zêde dikin.

Di wan xebatên wan ên dijî Kurdan de bi dezgehên hikumeta Tirk(wek walîtî..),bi hin karsazên bajarê û di serÎ de partîya AKP,SAADET,ANAP û bi çend partîyên din re di nav  hevkarîyê de ne.

Hate zanîn ku Fettullahçîyan wê di bajarê Mêrdînê de televîzyon û radyoyek herêmî jî avabikin.Her wiha bo avairina hin dibistan û dersxanêyên nû jî planên wan hene.

Suca dewlemendên Kurd jî heye

Li beramberî wan pêşketinên xeter dewlemenên Kurd tiştek nakin.Divê Kurd jî him li bakûr û him jî li başûr dezgehên pêşketî yê perwerdeyî avabikin.Ji ber ku di civakê de dezgehên herî bingehîn û girÎng dezgehên perwerdeyêne û bandorê perwerdeyê di hemû qad û konaxên jiyanê de heye.

Kurd li bakûr niha nikaribin jî bi zimanê kurd avabikin dikarin bi Tirkî jî dibistan vekin û hêç nebe dikarin xwendekaran ji propagandaya dijberên Kurd biparêzin.Her wiha li Kurdistana azad de mercên avakirina dibistana heye.Kurdên bakurî dikarin li Kurdistana azad dezgehên perwerdeyê vekin.Divê neye ji bîr kirin ku hatinîya aborî ya dezgehên perwerdeyê jî gellek zêdeye.

Li şûna ku li Ewrûpa donervanîyê bikin .Di warê neteweyî û him warê aborî de jî hatinî di dezgehên perwerdeyê de zêdetir e.Her wiha divê medyaya KurdÎ jî balê bikşînin lîstikên fettulahçîyan û her wiha divê medyaya dÎtbarîya kurdÎ jî bikaribin ku bibin alternatîf ji televîzyonên Tirkî re da ku Kurd bikaribin hêsantir pêşî li wan lîstikan bigrin.

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan