Kurdistan

We gundê kirkkoyunê koçbar nebe

24 Sermawez,2006 weşandin:12:36:05 (GDK)

Bi Projeya Pêşveçûna Piralî ya Gundê Kirkkoyunê wê gundî koçî bajêr nekin û wê gundî bibin xwediyê mihan û li baneyên (mandira) ku tên avakirin de wê penêrê kezî çêbikin.

Piştî ku Projeya Pêşveçûna Piralî ya Gundê Kirkkoyunê bi fermî hat pejirandin Sekreterê Giştî yê Şaredariya Bajarê Mezin Fahrettin Çagdaş, Kordînatorê Ofîsa Projeyê ya Bajarê Mezin Necatî Pîrînçcîoglu, Kordînatorê Projeya Sepandinê Bengî Dîken û kesên bi wan re çûn gundê Kirkkoyunê û gel agahdar kirin.

Gundiyên mezraya Gundê Kirkkoyun û gundên pêve girêdayî Hacikoç, Ekînce, Tahtireş, Guven, Duver, Orogmez, Naldoven tev li dibîstana seretayî ya mezraya Hacikoçê civiyan. Li vê derê ji bo gundiyan li ser projeyê agahî hat dayîn û qadên projeyê hatin nasandin. Keyayê Gundê Kirkkoyunê Adem Alanbay jî ji bo vê projeyê ji Şaredariya Bajarê Mezin û kesên ked dane re spasiyên xwe pêşkêş kir û serkeftinî xwest. Kordînatorê Projeya Pêşveçûna Piralî ya Gundê Kirkkoyunê Bengî Dîken jî got ku wê li gorî encamên anketê ji 40 malbatên ku pêdiviya wan pê heye hezar mihî belav bikin. Gundiyan li gel projeyê pirsgirêkên xwe yên din jî anîn ziman. Sekreterê Giştî Fahrettîn Çagdaş jî tevahiya gundiyan vexwend vekirina Borsaya Ajalan ku wê roja şemiyê vebibe û kîtekîtên projeyê vegot.

Bajarê Mezin disepîne

Projeya Pêşveçûna Piralî ya Gundê Kirkkoyunê ku ji aliyê Komîsyona Yekîtiya Ewropayê û Kargêriya Pêşveçûna Herêma GAP’ê ve tê meşandin ji aliyê Şaredariya Bajarê Mezin a Diyarbekirê ve tê sepandin. Odeya Hekîmên Veterîner û Keyatiya Kirkkoyunê jî şirîkên projeyê ne. Dema sepandina projeyê ya ku di Rêzbera 2006’ê de bi fermî dest pê kir bi tevahî 14 meh e. Debara bingehîn a gundiyên Kirkkoyuna ku li quntara çiyayê agirî yê vemirî Qerejdaxê li ser sewalan in…. Lê ji ber ku di van salên dawîn de çêre kêm bûye û şîr bi awayekî baş nayê bikaranîn xwedîkirina sewalan jî ber bi kêmbûnê ve diçe. Gundî jî ji bo îdara xwe bikin dest bi karên demsalî dikin. Li herêmê hema bibêje erdên çandiniyê qet tune ne û tenê li hinek cihên avî hilberîna birinc tê kirin.

Projeya Piralî

Di encama xebat û lêgerînên ku hatine kirin de derketiye holê ku li herêmê di warê aborî û civakî de, di gelek qadên din de jî pêdivî zêde ne û pêwîstî bi sepandina projeyên ku vê kêmasiyan ji holê rake derketiye holê. " Projeya Pêşveçûna Piralî ya Gundê Kirkkoyunê” di çarçoveya van pêdiviyan de hatiye amadekirin. Armanca projeyê ji bo gundê Kirkkoyunê û 7 mezrayên pêve girêdayî ne bi mihxwedîkirina piralî pêkanîna modêla pêşketina çolterî ye. Xebatên li ser çalakiyên perwerdehiyê, rêxistin û hişmendiya derdorê jî tevlî vê projeyê ne


Ji bo her malbatê 20 mih

Sazkirina ofîsê û ekîba projeyê, destpêkirina xebatên kargêrî, xebata li ser qada projeyê li ser 260 xaneyan tespîtkirina rewşê, hezar heb mihên ji cisnê Akkaraman û tespîta 50 xaneyên ku wê stendina beranan, belavkirina sewalan û tespît û nexşekirina qadên çêreyê, ji bo baneyê hilbijartina cih û xebatên wek diyarkirina alavan hatin kirin. Li gorî projeyê wê 19 mih û beranekî bidin her malê.

Gundî di nav xebatê de ne

Çalakiyên projeyê bi biryarên komîteya ku ji kesên gund û mezrayan hatine diyarkirin ve tên sepandin. Di dawiya projeyê de li herêma Qerejdaxê ku heta niha qet xebatên koperatîfê lê nehatiye kirin de koperatîf û mekanîzmaya rêxistinê wê bê avakirin û hişmendiya xebateke hevpar wê bê pêşxistin. Di baneya ku wê bê avakirin de penêrê herêmê bixwe wê di mercên hîjyenîk, standart û hilberdar de bê hilberandin. Ji bo çareserkirina pirsgirêka çêreyê ku li pêşiya pêşketina pezxwedîkirinê asteng e 150 donim erdê ku hatiye diyarkirin bi alîkariya gundiyan wê bê îslahkirin. Wê li gund û mezrayên ku qet şînayî lê tuneye jî tov belaş bê belavkirin û wê li gund dar bên çandin. Mijarên wek dermanlêkirina sewalan, îslahkirin û parastina çêreyê û xebitandina baneyan de wê perwerde bê dayîn. .(weşana ş. amedê)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan