Kurdistan

Li Iraqê Nîşana Perçe Bûnê; "Nava Rojekê De Nêzî 250 Mirî

NÛÇE-ŞÎROVE;REBIWAR KURDO / HAWARDENGÛBAS

24 Sermawez,2006 weşandin:08:23:43 (GDK)

HAWAR-DENGÛBAS,Iraq-- Di 2 rojên dawî de li Iraqê bi sedan kes ji ber şerê navxweyî mirin.Pisporên sîyasî dîyar dikin ku êdî Iraq tenê ser kaxizê heye.Iraq bi avayekî fiîlî jixwe perçeye.

Li Iraqê di pêvçûnên dawî yên navbera şia û sunnîyan de tenê di 24 saeta dawîn de nêzÎ 250 kes jiyana xwe ji dest dan. Êrîşa dawî li  bajêrê Sadr pêk hat.Hate ragihandin ku her wiha nêzî 30 ji çekdaran êrîş kir ser Wezareta Saxlemîyê li Bexdayê û şer digel hêzên parastinê kir.

Her roj herî kêm 100 kes tê kuştin.Şiî û Sûnî bênavber di nava pevçûnê de ne.Pisporan dîyar dikin ku êdî ne mimkune ku yekîtîya axa Iraqê were parastin.Li Iraqê ew 4 salin ku bi operesyona DYEyê rejîma Baas hatîye rûxandin û 4 salin her roj bi dehan Iraqî jiyana xwe ji dest didin û Iraq di her waran de her roj hinek din paş dikeve.Ji xeynî Kurdistana azad li Iraqê hişmendîya civak bûnê jî bi temamî ji holê rabûye.

Êdî gellek pisporên sîyasî dîyar dikin ku rewşa Iraqê êdî paşve nayê zivirandin.Piporên sîyasî dîyar dikin ku êdî Iraq tenê ser kaxizê heye.Iraq bi avayekî fiîlî jixwe perçeye.Kurd xwedî dewletin,Şiî jî rêveberîyên xwe ava dikin.Qet hêza hikumeta Iraqê nîne.

Êdî ne mimkune ku Iraq bibe yek.Dê dema nêz de ser kaxizê jî Iraq nemîne.Pisporê Emerîkî  Peter Galbright di hevpeyvîneke xwe de dîyar kiribû ku wê Kurdistan heta 5 salan serxwebûna xwe îlan bike.Li gor Galbright hêzên DYE wê di sala 2009'an de leşkerên xwe ji Iraqê bikşîne.

Kurd ne mecburin di nava vê xirecir û alozîyê de bimînin

Başûrê Kurdistanê ku li vê derê 14 sal berê rêverîya azad ya Kurdistan hatîye damezirandin û bi hikumet, parlemen û dezgeh û sazîyên xwe li gel kêmasî û astengîyan be jî pêşdikeve.Di operesyona Emerîka de jî Kurd bi bergehekî stratejîk û konjokturel di hêla DYE de cîh girtin û ew hevkarî dîsa di çerçoveya berjewendîyên her dû alîyan de didome.

Kurd ne fermî be jî niha nêzî serxwebûnê ne.14 salin ku Kurd bi zimanê Erebî naxwînin û naaxifin.Her tişt bi Kurdî ye.Rêveberî bi her avahî ji Iraqê cûda ye.Kurdistana azad her roj hinek din ji Iraqê dûr dibe.

Kurd niha ji ber rastîyên konjokturel niha ji Iraqê venaqetin.Hê meseleyên aborî,avadanî,dîplomatîk û pirsa Kerkûkê hin jî nehatine çareser kirin.Rastîyeke din jî ewe ku Erebên Iraqê jî ji rewşa gelê Kurd nerazîne û pêşketina Kurdan naxwazin.Xalkê başûrê Kurdistanê li gor perçeyên din ya Kurdistanê kêmtir bi welatê dagirker re entegre bûne heta hêç nebûne.

Iraq jî wek welatên din yên dagirkerên Kurdistan welatek sunî ye û di nav Ereban de jî nakokîyên mezin û dîrokî hene.Rewşa dawîyê li Iraqê de careke din derket holê başûrê Kurdistanê bi her avahî ji Iraqê cûdatir,pêşketî û ewletir e.Ji hikmetê heta medyayê,ji ziman û çandê heta taximên fitbolê, Kurd ji Ereban ji Iraqê cûdatir in û “dûr” in.Ger li Iraqê rewş ber bi xirab bûnê biçe dibe ku Kurd jî bi avayekî xwezayî ji Iraqê bi temamî veqetin.

Kurd ne mecbûrin ku di nav vê xirecirêde bimînin li başûrê Kurdistanê bi her avahî bingeha Dewleteke Kurdî hatiye avakirin û mafê Neteweya Kurd e ku di vê beşê de ser bingeheke neteweyî ji bo parastin û pêşxistina heyîna Kurdistanîyatî û hemû hêlên civak,aborî,çand hêza biryar dayînê li Cîhanê ya gelê Kurd dewletek serbixwe avabikin..(HAWARDENGÛBAS)
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan