Kurdistan

Hikumeta Kurdistanê Bersiva Kustaxîya Tirkan Da

19 Sermawez,2006 weşandin:00:12:32 (GDK)

HAWARDENGÛBAS-- Hikumeta Kurdistanê bi daxûyanîyeke dîyar kir ku meseleya Kerkûkê meseleye hundurîn ya kurdane û her wiha mafê tirkan nîne ku dest dirêjî wan mijaran bike

Hikumeta Kurdistanê li ser daxûyanîyên diserdena serokwezîrê Iraqê Malikî de bi eşkereyî bersiva Tirkan da.

Berdevkê serokatiya Kurdistanê daxuyaniyek di derbarê gotinên serokwezîrê tirkan Recep Tayyip Erdogan weşand.Di dixûyanîyê de bal hatibû kişandin ku wê helwesta Tirkan hemû têkîlîlyên Kurdan û Tirkîye xirab bike.

Di daxûyanîyê de hate gotin ku meseleya Kerkûkê meseleye hundurîn ya kurdane û her wiha mafê tirkan nîne ku dest dirêjî wan mijaran bike.di berdewamÎya daxûyanÎyê de hate gotin ku "Ew gotinên ko serokwezîrê Tirkiyeyê li ser Kerkûkê kirine ne di xizmeta vê prosesê de ne ji ber problema Kerkûkê navxweyî ye û çareserkirina wê jî li ser bingehê madeyeka destûrî ye ku ew jî madeya 140-ê ye.

Ew destûr jî pirranîya xelkê Iraqê bi hemû pêkhatên xwe ve deng li ser dane û em jî wek xelkê Kurdistanê bi hemû maddeyên destûra Iraqê pabend in"

Hişyar Zêbarî:Kekûk bajareke Turkmanî niye

Hişyar Zêbarî wezîrê derve yê Iraqa federal ragehand ku:" bajêrê Kerkûkê bajêrek Turkumanî niye û pirsa vî bajêrî li gor desitura Îraqê ku bi rêya dengdana giştî ve hatiye qebûl kirin dê were çareserkirin."

Derbarê bi pirsa ala netewî ya Kurdistanê Zêbarî got: "bilind kirina ala Kurdistanê û samanên sruştî yên bajêrê Kerkûkê , tevaya van pirsan di desturê Îraqê de îmaj pê hatiye kirin û em li gor desturî kar dikin.

Sebaret bi teslîmkirina 150 çekdarên PKKê ku Tirkiya daxwaz dike Zêbarî got: ev lîsteya navan ku hukûmeta Tirkiyê pêşkêşî hukûmeta Îraqê kirine pêzanînên dirust tê de nine lewma em nikarin vê yêkê cêbece bikin

Bi nêzîk bûna serketina Kurdan hêrs û gefên Tirkan zêde dibe

Tirkîye gelek caran xwest bi hincêta Tirkmenan jî êrîşî Kurdan bikin lê hilbijartinên li Kerkûkê derxist holê ku Kerkuk bajarekî Kurdîye û angaştên Tirkan pûç derketin.Mijara Kerkûkê ji mijarên din yên eleqedar bi başûrê Kurdistanê cûda ye.Ji ber ku ev mijareke neteweyî û stratejîk e.

Ger Kurd li Kerkûk bi sernekevin di nêzîk de nebe jî di dema dirêj de wê hemû gelê Kurd û hemû hêz û rexistinên kurd jî winda bikin.Gurtir bûna lîstik û planên qirêj ya dewleta Tirk û yên din ne bêsedem û ji nişka ve ye.Wek tê zanîn di sala 2007ê de bo çareserkirina meseleya Kerkûkê dê referandûmeke bêne çêkirin.Dewleta Tirk û Tirkmenan dixwazin rê li ber vê referandûmê bigrin.

Ji ber ku ev dizanin ku bi vê referandûmê hemû derew û dêk û dolabên wan derkevin holê û Kerkûk wê bikeve sînora Kurdistana azad.(HAWAR-DENGÛBAS)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan