Kurdistan

Li Kerkûkê civîneke berfireh ya rexistinên Kurdan

13 Sermawez,2006 weşandin:02:23:24 (GDK)

Li Kerkûkê bi beşdariya Waliye Kerkûkê Abdulrehman Mustasa û Serokê Desteya Zanyarî ya Îslamî Azad Xorşîd, nûnerên rêxistin, sazî, dezgeh û gelek şêniyên Kerkûkê têkildarî xala 140'an civînek li dar xist. Di civînê de xala 140'an a rewşa vegera kesên di dema rejîma Baasê de ji cih û warên xwe hatine derxistin bi berfirehtî hate nîqaşkirin û ji bo şopandina pêvajoyê komîteyek ji 15 kesan pêk tê hate avakirin.

Civîna li Salona Civînan a Şerîn Telbanî ya Kerkûkê pêk hat de nûnerên rêxistinên wekî PÇDK, Serokê Desteya Zanyarî ya Îslamê û hind rêxistin û kesayetiyên kurd beşdar bûn. Di civîna piştgiriya niştecihên Kerkûkê ya ji bo referandûm dê di rojên pêş me de bê li darxistin, girîngiya bicih anîna xala 140'an hatin nirxandin. Endamên komîteya şopandina rewşa Kerkûkê û referandûmê ya demî ku berî bi 5 kesan hatibû avakirin jî beşdar bûn. Piştî endamên komîteya demî têkildarî rewşa bajar a niha de agahî dan beşdarên civînê nûnerên rêxistinan nêrînên xwe yên li ser mijarê vegotin.

Waliyê Kerkûkê Abdulrahman Mustafa di civînê de destnîşan kir ku Komîteya Demî rêxistinên kurd li ser pirsgirêkek wiha anîne cem hev û ev yek jî ji bo çareseriya pirsgirêkê girîng e. Mustafa got ku heta niha wî komîte di nêz de şopandiye û nirxek mezin dide xebatên wê.

'Pêwistiya çareseriya pirsgirêka Kerkûkê bi yekîtiya me heye'

Piştî Mustafa, Serokê Desteya Zanyarî ya Îslamê Azad Xorşîd mafê axaftinê stand û diyar kir ku balkişand ser berhevbûna nûnerên gelek rêxistin, sazî û dezgehên kurdan û hemwelatiyên li Kerkûkê yên ji bo xala 140'an berhevbûyîn. Xorşîd daxuyand ku gelek kes ji bo çareseriya pirsgirêkê û avakirina komîteyek şopandina rewşa Kerkûkê li hev civiyan e. Xorşîd derbirî ku ev yek hem ji bo yekîtiye kurdan û hem jî ji bo çareseriya pirsgirêkê pir girîng e û wiha pêde çû:

"Pêwistiya çareseriya pirsgirêka Kerkûkê bi yekîtiya kurdan heye. Ji ber vê yekê yekîtiya me dê me li hemberî derve bihêztir bike. Ku hikûmet vê pirsgirêkê çareser neke û nebe alîkar, dê gel bi yek dengî piştgiriyê bide.

Armanca civîna me ew e ku şêniyên bajar di warê mijarê de bên hişyarkirin û ji bo çareseriya pirsgirêka Kerkûkê bixebitin. Lazim e herkes bizanibe ku rola wî çiye. Em wekî seydayan dê bi riyên olî vê peywira xwe bînin cih. Em dixwazin herkesên zerer dîtin, ne tenê kurd her wiha erebe, tirkmen û ji gelek din be jî bila bigihe mafê xwe. Lê divê ji bo vê yekê em bifikirin. Em dê di hemû mizgeft û xutbeyan de vê mijarê bînin ziman û li ser rawestin."

Tu desthilatdar bêyî piştgiriya gel li ser piyan narawestin

Di berdewama axaftina xwe de Xorşîd derbirî ku armanca wan yek din jî ew e ku ji bo şopandina van karan komîteyek bê avakirin. Xorşîd axaftina xwe ya têkildar bi gotin, "Lazim e ev komîte piştgiriyê bide xebatên bicihanîna xala 140'an û gel hişyar bike. Her wiha komîte dê ji xwe re ji hemû şêniyên bajar komîsyonan ava bike. Li hemû cîhanê ku desthilatdar pirsgirêkê çareser neke, hingê gel bi xwe pirsgirêkên xwe çareser dike. Niha hikûmeta pirsgirêka me çareser nake û divê em bi xwe bikevin nav xebatê. Ev lêgerîna me jî ji bo vê yekê. Bêgulan tu gel bê rêxistin nabin. Ji ber vê yekê pêwistiya gel û rêxistinên kurd bi hev re heye. Ev komîte dê bibe pira di navbera rêxistinên kurd, hikûmeta kurd û şêniyan de."

Komîteyek ji 15 kesan pêk tê hate hilbijartin

Di dawiya civînê de bi riya hilbijartinê komîteyek ji 15 kesan pêk tê bi armanca şopandina xebatên çareserkirina pirsgirêka Kerkûkê hate avakirin. Her wiha di civînê de hate daxuyandin ku hemû partî, rêxistin, sazî û dezgehên li Kerkûkê dikarin ji bo beşdariya xebatan endamên xwe destnîşan bikin û ji komîteyê re ragihînin. Waliyê Kerkûkê Abdulrehman Mustafa jî wekî endamê komîteyê yê fahrî hate destnîşankirin. (Dîha)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan