Kurdistan

Kurd şêweya têkîlîyên xwe bi hikumeta Iraqê re dîyar dikin

24 Sermawez,2006 weşandin:11:24:57 (GDK)

Dr. Fûad Husên serokê dîwana serokatîya Kurdistanê, ragihand ku doh pêncşemê civînek di avahîya serokê herêmê de li havîngeha Pîrmam hat girêdan, ew civîn di nêvbera serokatîya Kurdistana Iraqê û serokatîya hukûmeta Kurdistanê û Parlemena Kurdistanê de hat girêdan, di civînê de hejmarek xal hat gengeşe kirin û projeya guft û goyan li gel hikûmeta Iraqê li Baxdadê jî hat amadekirin.

Herweha Dr. Fûad Husên xuya kir ku ew civîn bi serokatîya rêzdar Mesûd Barzanî serokê Kurdistanê û bi amadebûna  Kosret Resûl cihgirê serokê Kurdistanê û Nêçîrvan Barzanî serokê hukûmeta Kurdistanê û Ednan Meftî serokê Parliyamentê û Fadil Mîranî sekretêrê polîtburoya Partîya Demokrata Kurdistanê û Erselan Bayîz serkirdê Yekîtîya Niştimana Kurdistanê û nûnerên herdu partîyên serekî di herêmê de bi rê ve çû.

Serokê dîwana serokatîya Kurdistanê ragihand ku di civînê de rewşa asayîşê li Iraqê û dariştina stratîjîyeka Kurdî di vê demê de hate gengeşe kirin, herweha têklîya hukûmeta Kurdistanê li gel hukûmeta Iraqê li Baxdadê jî het gengeşe kirin. herweha berdewam kir ku di civînê de şêweya birêve birina guft û goyan li gel hukûmeta Iraqê di çend xalan de kirin. û xuya kir ku nêzîk de şandek Kurdî dê serdana Baxdadê bikin ji bo guft û goyan.

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan