Kurdistan

Navenda Sendîqaya DÎSK'ê tehemûlî Kurdî nekir

12 Sermawez,2006 weşandin:06:23:24 (GDK)

Li gor ku ji aliyê ajansên nûçeyan ve hatiye belavkirin, Navenda Sendîqeya Karkerên Şoreşger, di derbarê hevpeymana ku di navbera Şaredariya Kayapinarê ya Amedê û sendîqeyê de pêkhatibû de ku di hevpeymanê de madeyek hatibû bicîhkirin ku wê ‘karker bi zimanê Kurdî bên perwerdekirin’ ji Şaredariya Kayapinarê ya Amedê re, nameyek rkiriye û di vê nameya xwe de nerazbûn nîşan dide û radighîne ku di vî derbarî de selahiyeta şaxê sendîqeyê ku vê peymanê îmze kiriye, tuneye û ev peyman, wan girênade.

“Ev made, binpêkirina desthilatiya navenda DİSKê ye”

Navenda Sendîqeya Karkerên Şoreşger, herweha di namedora xwe de diyar dike ku herçiqas wan di serî de ji, fikrê xwe yê li dijî vê hevpeymanê beyan kirine jî, lê ev madeya “ziman zikmakî” di hevpeymanê de hatiye bicîhkirin. DİSK, herweha diyar dike ku bicîhkirina vê madeyê, tecawuzkirin û binpêkirina desthilatiya navenda DİSKê ye.

“Ger ev hevpeyman bê betalkirin, wê karkerên şaredariyê mexdûr bibin”


Şaredariya Kayapinarê ya Amedê, li ser vê hewldan û helwesta DİSKê nerazîbûnek nîşan da û diyarkir ku ger ev hevpeyman bê betalkirin, wê karkerên şaredariyê gellek mexdûr bibin.


Li gor ku hatiye bidestxistin, Cigirê Serokê Şaredariya Kayapinarê ya Amedê, Sabahattin Dinç, li ser vê helwesta DİSKê nerazîbûna xwe nîşan da û daxuyaniyek belav kir û bi vê daxuyaniyê, helwesta DİSKê şermezar kir. Sabahattin Dinç, diyar dike ku di derbarê hînbûna ziman zikmakî de, ji aliyê hikumetê ve yasayek hatiye çêkirin û ev yek jî mafê wan yê herî xwezayî ye. Sabahattin Dinç, herweha diyar dike ku wan, hê jî vê hewldan û helwesta DİSKê fêmnekiriye. . (ajansan)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan