Kurdistan

Ji Saziyên Amedê ji bo alîkariyê komisyoneke hevbeş

08 Sermawez,2006 weşandin:04:32:54 (GDK)

Daxuyanî li Avahiya Bazirganî û Pîşesaziya Amedê ji aliyê Serokê Saziya Esnafan Elîcan Ebedînoglû ve hat pêşkêşkirin. Ebedînoglû eşkere kir ku di encama sosreta baran û rabûna lehiyê de xesarek mezin ya madî manewî gihiştiye xelqê vê herêmê û divê hemû saziyên Amedê ji bo alîkarî û piştgiriya madî hewl bidin.

Ebedînoglû diyar kir ku li bajarên û bajarokên wek Amed, Mêrdîn, Batman, Şirnex, Riha, Çinar, Bîsmîl, Heran, Niseybînê bi qasî 44 hemweletiyan jiyana xwe ji dest daye û bi milyon dolar jî xesara madî çêbûye. Bitaybet jî, li navenda bajarê Batmanê qasî 10 hezar mal û 60 hezar hemwelatî ji vê tofanê hê bêtir zerarê dîtine.

Lê tu saziyek dewletê pêwîstiya van hemwelatiyan ya cîkirinê, xwarin û vexwarinê, ya sotemenî û germahiyê bi cih ne aniye. Herweha ji ber vê tofanê nexweşîneke şowayê belav bûye û di nav xelqê de bûye xeteriyekî berbiçav. Ev jî bûye sedemek mezin ya nerazîbûnê di nav xelqê vê herêmê de.

Ebedînoglû eşkere kir ku sedema bingehîn ya van felaketa ku hê bêtir zerar û ziyanê gihandine xelqê vê herêmê, koçberî û nebûna bingeha bajêrvanî yê ya birêkûpêk e. Ev jî polîtikaya dewletê ye ku demek dûr û dirêje vê herêmê ji aliyê aborî, civakî û pêşketina bajêrvaniyê ve paşve hiştiye. Divê ji ber vê yekê ev herêm wek “Herêma Felaketê” bê îlankirin û hemû zerar û ziyana xelqê ji aliyê dewletê ve bê bi cih anîn.

Ebedînoglû di berdewamiya axaftina xwe de; “her çendî hin wezîrên vê hikumetê hatibûn û serdana xelqê ku di vê felaketê de zerarê dîtibin kiribin jî, lê serokwezîr Recep Tayîp Erdogan di gotarek xwe de bi şêweyek rexnegir eşkere kiriye ku meseleya felaketê zêdetir derxistine pêş û bûye cihê nerazîbûnê. Em hêvîdar in ku Serokwezîr ji van şaşiyê xwe vegere û serdana xelqê vê herêmê bike.”

Ebedînoglû di daxuyaniyê de eşreke kir ku wan li gel parêzgar, şaredariyên Amedê û hemû saziyên siwîl, wê kordînasyonek ava bikin daku alîkarî û piştgiriya hevbeş ya xelqê vê herêmê bikin.(Pukmedia)
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan