Kurdistan

Li gor serokwezîrê dewleta Tirk Erdogan afeta li Kurdistan tê pirole kirin(mezin kirin)

06 Sermawez,2006 weşandin:00:21:42 (GDK)

Li bakûrê Kurdistanê di navbera du rojan de 60 kes ji ber lehîyê jiyana xwe ji dest dan.

Li gor serokwezîrê dewleta Tirk Erdogan afeta li Kurdistan tê pirole kirin(mezin kirin).Li gor Erdogan, mirina 60 kesan û bê xanÎ mane sedan amlbatan û zirarên gellek mezin  divê neye mezinkirin.

Dewleta Tirk veberhênana pêwîst bo bakûrê kurdistanê pêk nayîne û ji ber vê yekê jî binesazîya bajarên li herêma bakûre Kurdistanê ne sexlem in û di karesatan sirûştî de dirûxin.

Mexdûrên li amedê ji dewletê nerazîne

Li Amedê ku yek ji deverên felaketê lê rûda ye, bandora baranê dewam dike.Barana xurt ya doh li Farqînê bariya, dîregên elektrîkê dan erdê. Şêniyên navçê û gundên wê ji ber xemsariya dewletê bêzarin.

Li Ameda yek ji deverên felaketê bandora barana xurt dewam dike.Li navçeya Amed'ê Ferqînê ji ber barana xurt şevê din dîrekên elektrîkê ketin xwarê. Ji ber ber vê yekê elektrîka taxa Yuksek qut bûye.

Wekî din li navçê xesareke mezin li erdên çandî bû. Li gundê Bismilê Melemûsa ku 4 kesan jiyana xwe lê ji dest da û 5 kes jî wenda bûbûn, êşa felaketê dewam dike.

Gundiyên ji Melemûsa ku bi derfetên xwe hewl didin birînên xwe derman bikin, hîna şoka felaketê ji ser xwe ne avêtine. Bismila xesareke mezin ji ber felaketa lehiyê lê bû jî, hîna weke gola heriyê ye.

Şaredariya Amed'ê û şaredariyên qedemeyên jêrîn wesaît û alav şandin navçê ji bo heriya li nav kolanan bê paqijkirin.(dîha / HAWAR-DENGÛBAS)
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan