Kurdistan

Rizgar Elî pistî kustaxîyên Tirkan li Kerkûkê daxûyanîyeke girîng da û got:"Ger Tirk mafê Kurdan nedin dê dawîya wan wek Baasê be"

13 Sermawez,2006 weşandin:12:23:54 (GDK)

Doh nûnerê Emerîkayê yê Kerkûkê Cims Bêks digel berpirsê karûbarên siyasî yê nivîsgeha balyozxaneya Emerîkayê li Kerkûkê Tomas Wayz de, serdana serokê civata parêzgeha Kerkêkê Rizgar Elî kir.

Di hevdîtinê de, herdu aliyan rewşên Kerkûkê gotûbêjkirin, herweha Rêzgar Elî ji wan re li ser serdana şandeya Tikiyê ya ku serdana Kurkûkê kirî û li ser ew nerastiyên ku ji wê serdanê derketî axivî.

Rizgar Elî got ku şandeyê bi hinceta nexwiyakirina nivîsan li ser nexşan ji wî xwast ku nexşên Kerkûkê daxe da ku bi nêzîkî lê binêrin, Rizgar dibêje ku wî jî li ser daxwaza wan nexş ji wan re daxistin û berdewamdike, dibêje ku şandeyê cîhê Kerkûkê ji wî pirsiyarkiriye, Rizgar jî ji wan re cîhê Kerkûkê nîşan kiribû û ji wan re dabû xwiyakirin ku Kerkûk di wan nexşan de dikeve sînorên Kurdistanê de û nexşek ji wan nexşan ya serdema empratoriya Birîtaniya û yek jî ji wan ya serdema Osmaniyane û ew jî didin xwiyakirin ku Kerkûk dikeve hundir sînorên Kurdistanê.


Di mijara çarenivîsa gelan de jî Rizgar ji şandeyê re gotiye ku nexş tu carî nikarin çarenivîsa gelan destnîşan bikin lê belê gel çarenivîsa xwe destnîşan dikin, û di berdewamiya axaftina xwe de gotiye ku divê Tirkiye siyaseta xwe li hember dewletên deverê bughêre herweha diyarkiribû ku divê Tirkiye mafê netewa Kurd bide û gotibû ku eger vê pêngavê jî neke dê xebata Kurdan berdewam be ta ku mafên xwe yên netewî bistînin.

Rizgar got: min nimûneyek jî ji wan re anî ziman ew nimûneya min jî li ser gelê Kurd li Iraqê bû, min ji wan re şirovekir ku çawa Kurdan li hember rêjîma Baas ya faşist ya ku şerê Kurdan bi hemî çek û têknolojiya nûjen dikir ji bo jianbirina Kurdan nikarîbû armancên xwe pêk bîne û wan çekan jî nikarîbû Kurd ji ser doza wî bixistana ji ber ku xebata Kurdan xebateke dadmende û dozên dadmendî jî her di dawiyê de serkeftin ji bo wane.(pukmedia)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan