Kurdistan

Kurd Şemzînanê Ji Bîr Nekirin û Wê Jibîr Nekin

NÛÇE/ŞÎROVE;SERHAD B.RÊNAS / AMED / HAWARDENGÛBAS

10 Sermawez,2006 weşandin:02:43:12 (GDK)

HAWARDENGÛBAS-- Di rewşa sîyasîya bakûrê Kurdistanê gellek kêmasî hebin jî rewşa gelê Kurd bi giştî ne wek berê ye.Di serî de di warê medya û ragihandin û di gelek warên din de Kurd xwedî hêzekî girîng in. ji ber vê yekê jî Kurd gor demên berê êdî zedetir dikarin bûyerên bi vî rengî derxînin holê û bînin rojevê.Bi destur nedana ji bîr kirina bûyerên wisa wê rê li ber lîstikên din yê dijberên Kurd jî asteng bike.

9-10 Sermawez salvegera yekemîn ya bûyerên Şemzînanê ye.HAWAR-DENGÛBAS wek nûçeyek sereke bi manşeta "Li Şemzînanê Terora Dewleta Tirk" wek nûçeya girÎng wê bûyera dîrokî ragihandibû.23 Sermawez 2005 an de jî sernivîsa nûçeya sereke ya HAWAR-DENGÛBAS "Divê Terora Dewleta Tirk neye ji bîr kirin!" bû.

Belê Kurd ji bîr nekirin.Di 9'ê sermaweza 2005'an de de li dijî Pirtûkxaneya Umut a li Navenda Kar a Ozîpek, êrîşek bombeyî pêk hat. Di êrîşê de Yilmaz Kaya mir, xwediyê pirtûkxaneyê Seferî Yilmaz jî birîndar bû.Şêniyên navçeyê kiryarên bûyerê qefalt û radestî hêzên ewlekariyê kiri bûn.

Di seyareya van kesên ku navê wan Astsubay Alî Kaya, îtîrafkar Veysel Ateş û Ozcan Îldenîz e de, çek, krokî, nexşe, lîsteya navên kesên ku dê bêne kuştin û ajanda derketi bû.Astsubay Kaya, li ser navê fermandarê demê yê Kolorduya 7'emîn Yaşar Buyukanit,belgeyên sexte çêkiriye û di lêpirsîna nêzî 100 karsazî de cih digirt.

Dewleta Tirk xwest ku serê vê meseleyê jî bigre û bide ji bîr kirin.Lê milletê Kurd ser êrîşên dijminên Kurdan û hevkarên wan dijminan nerazîbûnê xwe nîşan dan.
 
• Dewleta Tirk xwest ku kesên sûcdar serbest berde her çiqas caza li wana hati be birîn jî dewlet tehemmulî cazayê sucdaran nekir û dadgeha bilind xwest, endamên artêşê yên li Şemzînanê li ser guneh hatin zevtkirin, ji nû ve bên mehkemekirin.
 
• Di dîroka Tirkîyeyê de bi sedan bûyerên wek Şemzînan çê bûye û her carê Dewleta Tirk ser van bûyeran girtîye.Dewleta Tirk nexwast ku bi vê bûyerê kêşeya Kurd carekê din were rojevê.Komara Tirk xwest ku vê bûyerê wekî bûyerekê minferît nîşan bide.Le bi ser neket.Kurd û Cîhan ji berê zêdetir têkîlîyên berjewendîxwaz û şoven navbera arteşa Tirk,polîsên Tirk,sermayedar,medya,dewleta kûr û sîyasetê dizanin.

Li Culemêrg û Wanê bûyera Şemzînanê hate şermezarkirin

Li Bajarên Culemêrg û Wanê bi mebesta salvegera bûyerên Şemzînanê, daxuyaniyên şermezarkirinê hatin dayîn. ji ber karesata lehîyê çalakÎyên salvegerê hatin betal kirin.

Rewşa Kurdan ne wek berê ye

Niha bi taybetî di rewşa sîyasîya bakûrê Kurdistanê gellek kêmasî hebin jî rewşa gelê Kurd bi giştî ne wek berê ye.Di serî de di warê medya û ragihandin û di gelek warên din de Kurd xwedî hêzekî girîng in. ji ber vê yekê jî Kurd gor demên berê êdî zedetir dikarin bûyerên bi vî rengî derxînin holê û bînin rojevê.Di medyaya cîhanê de dengvedana bûyera Şemzînanê di leha Kurdan de jî îspateke vê yekê bû.

Bi destur nedana ji bîr kirina bûyerên wisa wê rê li ber lîstikên din yê dijberên Kurd jî asteng bike.

 

Buyukanit ,"kûrên baş" û terora dewletê ya li Şemzînanê

Wek tê zanîn dozgêrê Şemzînanê Ferhat Sarikaya ,di îdîanameyê de cî da bû navê wî. Li ser vê îdianamêyê Ferhat Sarikaya, ji wezîfeya xwe hati bû durxistin.

Serdozgerê Tirk Ferhat Sarikaya, li ser bûyerên Şemzînanê de bo Fermandarê Giştî yê Hêzên Bejayî ya Artêşa Tirk Yaşar Buyukanit de di îddia name de destnîşan kirîye ku ji ber ku bersûcê Şemzînan parastiye û ji bo yek ji wan berbaz Alî Kaya gotibû “ez wî nas dikim û ew kurekî baş e” ji ber vê yekê ser hiquqê bibandor bûye.

"Yaşar Buyukanitê jî goti bû:”Min hertiştî bo Tirkîye kiriye û ji ber yekê bi darizandinê wê serbilintir bim".

Piştî ku Yaşar Buyukanitê bû serokê nû yê fermandariya giştî ya artêşa Tirk  destê derdorên dijberên Kurd bihêz bû û niha jî "tol" ê ji kurdan distînin.

Wek tê zanîn ser dozgêrê Şemzînanê Ferhat Sarikaya ,di îdîanameya Şemzînanê de cî da bû navê wî. Li ser vê îdianamêyê Ferhat Sarikaya, ji wezîfeya xwe hati bû durxistin.

Dewleta Tirk tehemmulî eşkere kirina rastîyan nekiri bû bi beralîkirina arteşa Tirk û herî dawîyê de jî  Ferhat Sarîkaya ji wezîfeya xwe hati bû dûr xistin.Hin di destpêka bûyerên Şemzînanê de dîybar bû bû ku Dewleta Tirk harî dawîyê vê mijarê bi dêkûdolaban veşêre.Ji ber ku ev sîyaset li Tirkîyeyê 80 sale neguherî ye.

Tirkîye jixwe tu pêşketinên bo Kurdan ji dil nekiribû û hemû hêzên tarî li pêy xirab kirina rewşa heyî ya bakûrê Kurdistanê bûn.Niha jî bi yasaya nû ya “dijî terorê” re dixwazin zextên li ser bakûrê Kurdistanê zêdetir bikin û navê Kurdan bi hinceta PKK terorrîze bikin û piştre jî bi heman hincetê jî êrîşî deskeftîyên Kurdistana Azad bikin.

Ji ber vê yekê divê rexistinên Kurdan li şûna ku banga hestîyarîyê li gelê bakûrê Kurdistanê bikin, ji bo pûc derxistina planên dijminên Kurdan bi çalakî,meş û xebatên cur bi cur bi taybetî li nava welat bikevin liv û tevgerê.

Bûyerên Şemzînanê Çawa Destpêkir

Li Şemzînanê Pirtûkxaneya Umut 11 Sermaweza 2005’san de ji alîyê 2 serbaz û çawişekî pispor bombe hatibû avêtin û di encamê de M. Zahîr Korkmaz jiyana xwe ji dest da bû û Metîn Korkmaz jî birîndar bû bû û piştî bûyerê gelê Şemzînanê êrîş biribûn ser erebeya ku ya serbazan bû û bi rojan çalakîyên gelê şemzînanê berdewam kiribû.

Çawişê Tirk bi navê Tanju ku  de ji erebeyê derketibû û gûle weşandi bû ser gelê Şemzînanê û bû bû mirîna Kurdekê bi navê Alî Yilmaz di encama dadgehêde serbest hatibû berdan.

Bûyer wekî “Susurluka Duyemîn”  tê binavkirin.

9 sal berê seyareyek ber riya Susurlukê(navçeyekê Tirkîye) qeza kiribû û piştî vê rûdanê têkîlîyên qirêj yên mafya,dewleta tirk,polîs û hin serekêşîrên eslkurd derketibû holê.

Di bûyera Şemzînanê de jî serbaz telefonê  kuştarê bisedan Kurd xwînxwar Mehmet Ağar kirin e û derdikeve holê ku dîsa lîstikên li dijî gelê Kurd heman avahî tê meşandin û êrîşên ser Kurdan  hin jî ji parlemana Tirkîye tê birêvebirin ku Mehmet Ağar niha parlmeneter e û serokê partîya DYP(partîya Çîller a hov) ye. 

Di dîroka Komara Tirk de ser gelê Kurd bi sedan car bûyerên bi vê rengî hat kirin lê yekemîn care ku ewqas vekirî sûcdarên bûyerê tên girtin.

An statuyeke xweser an jî êrîş,teqîn,talan,zordarî,paşvexistin..

Divê êdî Neteweya Kurd têbigêhêjin ku Tirk dê dev ji dijminatîya xwe ber neda.Ger mijar li wekî ku angaşta hin kesan mijareke aborî be jî Kurd dev ji daxwazên xwe yên neteweyî dev ji ber din jî xuyaye ku dewleta Tirk êdî ne mimkune ku bakûrê Kurdistanê pêşbixîne.

Ji ber vê yekê jî ger gelê Kurd Kurd li bakûr negihêje statuyeke xweser û gelê Kurd mafên xwe yên neteweyî bi dest nexîninn xuyaye Kurd ji teqîn,êrîş,paşvexistin û planên derodorên berjewendîxwaz rizgar nebin.(HAWARDENGÛBAS)
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan