Kurdistan

Serokê Kurdistan pêşwazî li Eşref Qazî û Xelîlzad û Elhesenî kir

28 Sermawez,2006 weşandin:11:24:57 (GDK)

Li Bexdayê, serokê Kurdistanê pêşwazî li nûnerê sekreterê giştî yê NY yê li Iraqê Eşref Qazî û şandeke gel wî kir.

Di gotûbêjên nav wan de rewşa siyasî û îdarî û ewlehiyê ya Iraqê hate nirxandin û rêbazên pêşxistina prosesa siyasî û îdarî ya welat û bicihkirina ewlehiyê û çareserkirina alozî û astengiyên siyasî û ewlehiyê ên ku holê de ne hatin gotûbêjkirin.

Ji aliyekî din ve serokê herêma Kurdistanê pêşwazî li balyozê Emerîkayê yê li Bexdayê Zalmay Xelîlzad kir. Di hevdîtinê de serok Barzanî û Xelîlzad encamên hewl û gavên vê dawiyê ên hêzên siyasî û parlamenterên Iraqê û biryar û bernameyên civata siyasî ya bo ewlehiya nîştimanî hatin gotûbêjkirin û nêrîn û pêşniyaz jî bo serxistina vê qonaxê jî hatin nîqaşkirin.

Her weha  Mesûd Barzanî pêşwazî li endamê lîsteya Eliraqiye yê li parlamentoya Iraqê Haşim Elhesenî kir û di hevdîtinê de rewşa siyasî û îdarî ya Iraq û kar û erkên parlamentoya Iraqê hatin gotûbêjkirin. (pukmedia)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan