Beşa Kurdistan

Li Amedê bi sedan zarok di nav çopan de dijîn

 23 Tebax, 2006 weşandin:17:21:34 (GDK)

 
AMED--Li Amedê roj bi roj hêjmara zarokên ku debara malbata xwe bi berhevkirina çopan dikin, zêde dibe. Di rapora lêkolînê ya Zanîngeha Dîcleyê, ya di vî derbarî de hatiye ragihandin ku di sala 2004-an de, hêjmara van zarokan 400 bû, di sala 2006-an de ev hêjmar, ji 600î derbas bûye.

Li gor ku ji aliyê Mamosteyê Beşa Psîkîyatrî ya Zanîngeha Dîclê Prof. Dr. Remzi Oto ve hatiye ragihandin, li Amedê roj bi roj hêjmara zarokên ku debara malbata xwe, bi berhevkirina çopan dikin, zêde dibe. Prof. Dr. Remzi Oto, diyar dike ku niha li Amedê 600 zarok, li ser çopan xwedî dibin û debara malbata xwe, bi berhevkirina çopan dikin.

Prof. Dr. Remzi Otos, herweha diyar dike ku wan di encama vê lêkolîna xwe de bidestxistine ku ev zarok, bi nexweşiyên wek Hepatit B, tetanos û gellek yên şewb re rû bi rû ne û weha dom dike: “Tendurustiya van zarokên bi çopan xwedî dibin, di bin xeteriyek mezin de ye û ev xeterî, di navbera du salan de ji sedî 50 (%50) zêde bûye. Yek ji xeteriya herî girîng ku ev zarok di nav de ne jî, elmandina miwadên xeterî (narkotîk) ye.”

Kordînatorê Navenda Perwerdekirin û Tedawîkirina Zarokên girêdayê miwadên xeterî Mehmet Kaya jî, radighîne ku bi valakirina gundên herêmê, nufûsa anvanda Amedê 5 kat bûye û bi zêdebûna nufûsê re, hêjmara zarokên ku li kuçeyan dixebitin, gihîşt 15 hezarî.

Mehmet Kaya weha dom dike: “ Bi zêdebûna hêjmara zarokên ku li kuçeyan dixebitin re, hêjmara zarokên girêdayê miwadên xeterî jî, roj bi roj zêde dibe. Herçiqas ji aliyê hêzên emnî ve hatiye destnîşankirin ku li gor tespîtên wan, di van 6 mehên dawî de hêjmara zarokên girêdayê miwadên xeterî, 360 e jî, lê li gor min ev hêjmar, ne rast e. Lewra, hêjmara zarokên ku miwadên narkotîkê dixebitînin, gellek zêde ye.” (pukmedia / Nevzat Karakeçi)

© Copyright 2006 HAWARDENGÛBAS. Hemû mafên nûçe û nivîsên ku vê rave hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.