Beşa Kurdistan

Çekdarbûna zêde û Mesrefên Leşkerî Pêşketinê Asteng Dike

 29 Tebax, 2006 weşandin:01:40:48 (GDK)

HAWARDENGÛBAS-- Bi butceya beşa mezaxtina nepêwîst ya çekan gelek kêşe çareser dibe.Wekî mînak li cîhanê 800 milyon kesên birçi hene.Tenê bo bernameyên çandinîyê 2 mîlyon dolar têrî dike.An jî 270 mîlyon zarok ji xizmetên perwerde û tenduristîyê bêparin.Bo pêkanîna wan xizmetan tenê 13 mîlyon dolar hewce ye.

Îlhan Semsûrî / AMED / HAWARDENGÛBAS

Di sala dawîn de 28 welatên cûda de pevçûnên mezin an jî biçuk çêbû.

Di her yekê di wan pêvçûnan de herî kêm 1000 kes mirin.Mezaxtina eskerî di serî DYE li gelek welatan zêde dibe.

Mezaxtinên leşkerî ji sedî 48 ya DYE ye û asta mezaxtina leşkerîyê ya DYE (Dewletên Yekbûyî Emerîka) gihîştêye astekî rekor.

Piştî DYE Britanya,Frensa,Japonya,Çîn û Îsraîl tê.Welatên wek Çîn,Azerbaycan Erebestan jî bi zêdebûna hatinîyên xwe yên neftê mezaxtinên leşkerî zêde dike.

Li cîhanê arteş êdî li şûna parastinê bo bi hêz bûnê tê dîtin.Arteş û biçek bûn tenê bo xwe parasitina netewekî ji xeteran e.

Lê di serîde DYE û hin welatên din li şûna parastin an jî ewlehîyê zêdetir bo êrîşê hin zêdetir çekdar dibin.

Tê zanîn piştî şerê Iraqê bi zêde bûna mesrefên leşkerî û bi destnexistina encamek aborîya giştî yê DYE ketiye tengasîyê.
 

Tirkîye bo kuştina Kurdan milyonan dolar xerc dike

Dewleta Tirk 12 mîlyon dolar bo çekdar bûnê xerc dike.Hêza leşkerîya dewleta Tirk bi taybetî li bakûrê Kurdistanê hatîye bi cîh kirin û ev hêz zêdetir bo têk şikandina Kurdan tê bikaranîn.

Li alîyekî din li Tirkîye bi milyonan mirov bê karin.

Pêşneketina teknolojî,zanist,jiyana sosyal,xizmetên çandî li alîyekî hê jî xizmetên tenduristî,perwerde,xurek bajarvanî û gelek xizmetên din di gelek deverên Tirkîye bi taybetî li bakûrê Kurdistanê di asta welatên sêyemîn ya cîhanê de ye.


Netewan ji bo parastina xak û destektîyên xwe mecbirin arteşek ava bikin û xercemeyên lêşkerî pêk bînin lê...

Mezaxtineke bi vî rengîya leşkerî li Cîhanê ku dişpere pêşbirgkekî, li gel xwe bêkontrolîyê jî tîne û bazriganîya qeçex ya çekan deidkeve holê û ev jî dibe sedema tevlîhevîyek gelek zêde û bi hêz bûna grubên tundkarî.

Di rewşekî ewqas awarte de ne dîyare ku çek bikeve destê kîjan kes an hêzan.

Li Cîhanê nêzî 640 mîlyon çekên sivik heye.Ev hejmar he roj zêdetir dibe.Bi giştî 1200 şîrketên hilberîner ya sîlehê heye.Her sal niv milyon kes bi sîlahê dimirin.
 

Bi butceya beşa mezaxtina nepêwîst ya çekan gelek kêşe çareser dibe

Wekî mînak li cîhanê 800 milyon kesên birçi hene.

Tenê bo bernameyên çandinîyê 2 mîlyon dolar têrî dike.

An jî 270 mîlyon zarok ji xizmetên perwerde û tenduristîyê bêparin.Bo pêkanîna wan xizmetan tenê 13 mîlyon dolar hewce ye..
 

© Copyright 2006 HAWARDENGÛBAS. Hemû mafên nûçe û nivîsên ku vê rave hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.