Beşa Kurdistan

Dêrên dîrokî yên Xinisê bi hilweşînê re rû bi rû ne

 06 Tebax, 2006 weşandin:01:22:08 (GDK)

 
Dêrên dîrokî yên Ermeniyan ên li Navçeya Xinis a Erziromê, ji aliyê nêçîrvanên xizîneyan ve tên talankirin.

Şêniyên navçeyê ku li dijî vê yekê nerazîbûn nîşan dan, xwest ku berhemên dîrokî bên parastin.

Li Navçeya Xinis a Erziromê 4 dêrên Ermeniyan ji ber bêxwedîtiyê bi xerabûne re rû bi rû mane. Piştî ku şaredariyê kevirên dêran ji cihê wan rakirin û di dîwarê şaredariyê de ji bo xemlê bikar anîn, hêdî hêdî xirab bûn.

Dêr her wiha ji aliyê nêçîrvanên xizîneyan ve jî hatine talankirin û niha bi tevahî bi hilweşînê re rû bi rû
mane. Dêrên niha wekî xirabeyan tê xuyakirin, bûne warê lîstika zarokan.

Hemwelatiyên navçeyê li hemberî
xerakirina dêran nerazîbûn nîşan dan û diyar kirin ku ew naxwazin xemla navçeyê xerab bibe. Hemwelatiyan
bang li rayedaran kir û xwest ku ji bo parastina berhem û deverên dîrokî, peywîra xwe bi cih bînin. (dîha)

© Copyright 2006 HAWARDENGÛBAS. Hemû mafên nûçe û nivîsên ku vê rave hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.