Beşa Kurdistan

Li navçeya Gerede bajarê Boluya rojavayê Tirkiyeyê tirkên MHPyî êrîşî Kurdan kirin

 04 Tebax, 2006 weşandin:14:42:11 (GDK)

 
Li navçeya Gerede bajarê Boluya rojavayê Tirkiyeyê kurd û tirkên MHPyî bi hev ketin.

Tê ragihand ku serokê MHP ê navçeya Geredeyê ê berê Dursun Muratdagi ku li taxa sanayîyê Tornacîtîyê dike, ji ber deynek peran, bi kurdek ji Bedlîsê ku ew ji li wê taxê Mermercîtîyê dike bi hev ketin.

Buyer duh êvarê di saet 20.30 de pêk hatiye. Li gor agahiyan pêşîyê Dursun Muratdagli êrîşî atolya ê kurd (nav ne hatiye eşkere kirin) kirye û li wî û du havalên wî xistiye.

Piştre jî grûbek kurd êrîşî atolyaya Dursun Muratdagli kirine û li wur li wî û li birayê wî xistine. Li ser vê buyerê polîs grûba kurdan ku ji 13 kesan pêk dihat binçavkir.

Piştî buyerê li nav bajêr belav bû ku PKKyî li MHPyîyan xistiye û grûbek ji Ulkucuyên herêmê li ber qereqolê kom bûn û ji polîsan daxwaz kirin ku ew kurdan ji bo lînçkirinê teslîmî wan bikin. Tê ragihandin ku Polîs nikaribiye grûba ber qereqolê belav bike û loma jî ji Bolûyê esker hatine û ew belav kirine.

Piştî ku her du alî dev ji gilîkirina xwe berdan, polîs kurdan serbest kir û ew bi dîzî bir malên wan.' (ajansan)

© Copyright 2006 HAWARDENGÛBAS. Hemû mafên nûçe û nivîsên ku vê rave hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.