Beşa Kurdistan

Li Kurdistanê û Cîhanê germahîyên dojehê

 04 Tebax, 2006 weşandin:20:33:43 (GDK)

HAWARDENGÛBAS--Germahîyên zêde wekî hemû Cîhanê li Kurdistanê dibe sedema dijwarîyan

Di rojên dawî de di tevahîya nîvkadê bakûr germahî zêde dibe.Li Ewrûpayê ji ber germahîyên zêde gelek kes mirin.

Li Hollnadayê 400,li Frensayê 112,li Spanyayê 32 kes jiyana xwe ji dest dan.

Pisporên meterolojîyê dîyar dikin ku hefteya pêşîya germahîya hewayê bi qasê 4-6 pile dê zêde bin.

Her wiha tê dîyar kirin ku divê navbera seatên 11:00-16:00 li bin tavê naye sekinîn.Her wiha kesên pîr û xwedî nexweşîya dil xwe miqada bin.

Divê bo dabîn kirina wendahîya avê zêde av û tiştên bi av werin vexwarin û xwarin.

Li alîyekî jî li nîvkadê başûr jî demasala zivistanê tê jiyîn û li gelek cîhan lêhî radibe.

Li Kurdistanê ji ber germahîyê gel di nava dijwarîyê de ne.Li bajarên wek Amed,Hewlêr û Kerkûkê pileya germê digehêje derdora 50î yan.Germahî dibe sedema daketina wizeya karkirinê,bihêrsbûna mirovan û gelek arîşeyên din.

© Copyright 2006 HAWARDENGÛBAS. Hemû mafên nûçe û nivîsên ku vê rave hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.