Beşa Kurdistan

Dewleta Tirk Ser Bûyerên Amedê û Bi Hincetên Din Dest Bi Girtinên Nû Kir

 01 Tebax, 2006 weşandin:08:41:43 (GDK)

HAWARDENGÛBAS,AMED,Kurdistan-- Bi girtinên dawî derket holê ku Dewleta Tirk bi hêstên dijminahî li benda ji bîr bûna bûyaran bû û niha jî jiyana gelek Kurdan reş dikin.Hate zanîn ku xwendekarên zanîngehê Z.C,A.K,Ş.I û gelek kesen din berî ku zanîngeh vebin û bala raya giştî neye kişandin hatine girtin.

Rebiwar KURDO / AMED / HAWARDENGÛBAS

Di rojên dawî de di derbarê bûyerên Amedê de girtinên nû destpêkir.Bi qedandina deşîfre kirina wêne û dîmenên ku di dema bûyerên Amedê de hatine kişandin dest bi girtina hin ciwanan û avêtina ser malan pêk tê.

Dewleta Tirk hincetên cur bi cur li pêy xera kirina jiyana Kurdan e

Bi girtinên dawî derket holê ku Dewleta Tirk bi hêstên dijminahî li benda ji bîr bûna bûyaran bû û niha jî jiyana gelek Kurdan reş dikin.Hate zanîn ku xwendekarên zanîngehê Z.C,A.K,Ş.I û gelek kesen din berî ku zanîngeh vebin û bala raya giştî neye kişandin hatine girtin.

Her wiha tevahîya bakûrê Kurdistanê dîsa di demên dawî de bi hincetên "tevlî bûna Newroza 2006'an","badana rengên kesk û sor û zer","axaftina bi zimanê Kurdî" û gelek sedemên din gellek Kurd tên girtin, êşkence kirin an jî aramîya gelek malbatan bi avêtina ser malan tê xera kirin.

Hinek xwendekar jî ji zanîngehan dûr tê xistin û bi vî avahî hemû jiyana wan Kurdan tê rûxandin.

Kesek bi navê Ayhan Çevîk ji ber ku apê xwe yê bi kurdî axiviye parastiye, li Qereqola Polîsan a Cumhuriyetê ya Wanê rastî lêdanê hatiye û ew avêtine derve. Çevîk ku serî li Şaxa ÎHD'ê ya Wanê da, anî ziman ku dê der barê polîsan de serlêdana sûc bike.

Her wiha  du roj berê jî 132 kesên di serdagirtina civîna Tevgera Hemwelatiyên Azad û Wekhev a li Navenda Çand û Hunerê ya Rihayê de hatin binçavkirin. Şaxên Mazlum Der û ÎHD'ê yên Rihayê û KESK'ê, der bar bûyerê de daxuyaniyeke nîvîskî da. Di daxuyaniyê de hate ragihandin ku di serdagirtina civînê de 132 kes hatine binçavkirin. Di daxuyaniyê de hate destnîşankirin ku, di agahiya ku ji aliyên Midûriyeta Ewlehiyê ve ji çapemeniyê re hatiye kirin de, tê gotin ku kesên hatine binçavkirin, 'endamên rêxistinên suc in' û li ser vê yekê ev serdagirtin çêbû ye. Di berdewama daxuyaniyê de, hate diyarkirin ku ev yek jî diyar dike ku serdagirtin bi hincetên siyasî çêbû ye û ev yek li dijî mafên azadî û mirovatiyê ye.

Bi "yaseya têkoşîna dijî terorê"  zemîna wan zextan hate amade kirin

Wisa xuyaye ku bi yaseya nû ya  TMY "yaseya têkoşîna dijî terorê" re zextên bi wî rengî  ser gelê bakûrê Kurdistanê wê zêdetir bibe.

Eşkereye ku hişkkirina zagonan "bûyerên terorê" naqedîne. Berovajiyê vê yekê, dê bibe sedema kûrbûna bûyeran. Bûyerên şîdetê wek mane têne nîşandan û zagon têne derxistin. Mîna ku bûyerên awarte têne jiyandin nîşan didin.

Tirkîye jixwe tu pêşketinên bo Kurdan ji dil nekiribû û hemû hêzên tarî li pêy xirab kirina rewşa heyî ya bakûrê Kurdistanê bûn.Niha dixwazin zextên li ser bakûrê Kurdistanê zêdetir bikin û navê Kurdan bi hinceta PKK terorrîze bikin û piştre jî bi heman hincetê jî êrîşî deskeftîyên hemû Kurd û ya Kurdistana Azad bikin.

Bûyerên Amedê

Wek tê zanîn piştî 28 Adarê deli Amedê Polîs ser meşa ku bo protesto kirina qetl kirina gerîllayên PKKyê di hat li dar xistin êrîş kiri bû û piştre tevahÎ Amed û gelek bajarên bakûrê Kurdistanê de bi rojan navbera gel û hêzên dewleta Tirk ve alozî û pevçûnên dijwar derketi bû.Di encama êrîşên û terora dewleta Tirk de kir nêzî 20 Kurd bi avahekî hovane hatin kuştin û bi sedan kes birîndar bûbûn.derdorên nijadperest di medyaya Tirkî de  nerazîbûn nîşan dan.
 

Pêywendîdar

© Copyright 2006 HAWARDENGÛBAS. Hemû mafên nûçe û nivîsên ku vê rave hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.