Beşa Kurdistan

Divê Kurd Bo Rizgar Kirina Hesenkeyfê Bikevin Tevgerê

 04 Tebax, 2006 weşandin:14:23:41 (GDK)

HAWARDENGÛBAS,HESKÊF,Kurdistan--  Hesenkêf xwedî li rabirdûyekî 12  hezar salîye û bi pir,mizgeft û gelek berhemên dîrokî ku ji Asûrîyan, Romayîyan, Persan,Medan,Greekan,Bizansîyan û ji gelek şaristanîyên din maye bo gelê Kurd nirxeke dîrokê ya bêhempa ye.Divê Hesenkêfê were parastin.Bila her kesê naxweze Hesenkeyf were tune kirin, 4ê Tebaxê de li Hesenkeyfê kom bibin.

Nûçe – Şîrove / Rodî JIYAN / HAWARDENGÛBAS

Hîmê bendava Ilisû ya wê Heskîfê di bin avê de bihêle, 5ê Tebaxê roja Şemiyê li gundê Ilisû'yê ji aliyê serokwezîrê dewleta Tirk Tayyîp Erdogan ve bê danîn.

Eger bendav were çêkirin, wê Heskîfa 12 hezar salî û zêdeyî 200 waregehên dîrokî di binê avê de bimîne.Her wiha bi çêkirina bendavê re, nifşên teyr û tebayên weke, Çûkê Keçamezin, Tîtî, Qertelê Sor, Dûv-meqes, Marmarok û Pirçûmok, Keftar ê bi xet û reqên firatê jî, ji holê rabin.

Tevî hemû nerazîbûna raya giştî jî dewleta Tirk û hikumeta AKP dev ji tune kirina Hasankeyfê dev jê bernedan.

Divê 4ê Tebaxê de li Hesenkeyfê bin

Bo pêşî lê girtina çêkirina bendavê, hewldanên rêveberiyên herêmî, rêxistinên civakî yên sivîl didomin.Hewldana Jîndarkirina Heskîfê ku xwe amade dike 4ê Tebaxê çalakiyeke mezin organîze bikin.

Şaredariyên  bakurê Kurdistanê, li bajarê Êlihê li Şaredariyê hatin ba hev û ji bo nerazîbûna xwe nîşan bidin, civînek lidar xistin.Di civînê de biryar hat girtin, ku daxwaza hevdîtinê ji Erdogan bikin û encamên lêkolînên xwe yên ku wê tesîr li ser rewşa ekolojîk, Çandî û mirovahiyê dike, amade kirine, ragihînin Erdogan.

Serokê Şaredariya Hêskêfê Vahap Kusen jî, di axaftina xwe de banga piştgiriyê kir û weha got; “Ev deh sale ku em ji bo xilaskirina kevnewarên Hêskêfê dixebitin, lê mixabin me tu tiştek bidest nexist. Receb Teyîb Erdogan û Wezîrê Çandî bi xwe soz dan me ku wê pêşî lê bigrin û nehêlin ku kevnewarên Hêskêfê, di bin avê de bimîne.”

Her wiha hate dîyar kirin ku îddîayên hikumetê, pisporên navneteweyî diyar kirine, ne mimkune ku kewnewarên li Heskîfê ji bo devereke din werin veguheztin.

Endamên hewldanê, herwiha bang li Erdogan kirin, ku tevlî çalakiya wan a roja 4 Tîrmehê ya li Heskîfê bibe.

Sazîya Endezyar û Mîmaran ya şaxê Êlîhê jî bi daxûyanîyekî banda xwedî derketina li Hesenkeyfê kirin û gotin bila her kesê naxweze Hesenkeyf were tune kirin, 4ê Tebaxê de li Hesenkeyfê kom bibin.

Her wiha wek tê zanîn Dadgeha Mafên Mirovan ya ewropayê nirxandina doza Heskîfê pejirandi bû.

Ne tenê nirxeke dîrokê tê holê radikin her wiha wê kêşeyên sosyo-aborî jî peyda bibin

• Kêşeyên sosyo-aborî ku ji ber bendavê wê derkevin holê nayê dîtin.

• Kurdên bakûrê Kurdistanê ji ber şerê di navbera Dewleta Tirk û PKK de neçar mane ku koçî bajarên mezin bikin.Kesên ku koçber bûne ji ber bêkarî û delfetên kêmdinava hejarîyê de dijîn. Ger projeya Ilisiyê jÎ were pêk anîn dêkoçberîyên nû çêbibin û kêşeyên heyî jî dijwartir bibin.

• Hesenkêf xwedî li rabirdûyekî 12  hezar salîye û bi pir,mizgeft û gelek berhemên dîrokî ku ji Asûrîyan, Romayîyan, Persan,Medan ,Greekan,Bizansîyan û ji gelek şaristanîyên din maye bo gelê Kurd nirxeke dîrokê ya bêhempa ye.Ji ber vê yekê jî divê Hesenkêfê were parastin.

Dewleta Tirk dijminê hemû nirxên neteweyî ya gelê Kurd e

Wek tê zanîn yek ji herî girîng ya şûnûwarê dîrokî ya Şaristinaya Kurdistanê ku ji serdema navîn gihêştîye roja me bajarê kevnare (antîk) Hesenkeyf e. Lê Dewleta Tirk ne tenê ziman û çanda Kurdî bi temamî nirxên dîrokî ya Kurdistanî ji holê radike.

Hesenkeyf(Hêskîf) jî di çerçoveya çêkirina bendavê Ilisuyê de wê ji holê rabe û din bin avê de bimîne.Her çiqas projeya bendava Ilisuyê bi salanê di rojevê de be jî Heskîf ji her demê zêdetir nêzikî tune bûnê ye.

Li Kurdistan û cîhanê girîngîya Heskîfek gelek zêde ye. Li şûna ku Heskîf bibe bajarek Cîhanê, niha bi xeteriya di bin avê de hiştinê re rû bi rû ye. Bi rastî riyên ku di bin avê de nemîne hene. Ev rewşa Heskîfê ji bo dîroka me û dîroka cîhanê tiştek gelek bi xemgîn e. Ji bo ku Heskîf di bin avê de nemîne, divê komîteyek bê avakirin û xebat bêne destpêkirin. Gerek Heskîf li gorî eslê xwe bê restorekirin. Lê di bin avê de tê hiştin. Ev yek nayê qebûlkirin. Divê Heskîf di bin avê de nemîne.

Divê Kurd di vê meseleyê de hestîyar bibin û vê nirxê Dîrokî ya Kurdistanê biparêzin û bihêlin nifşên wekî mîraseke şaristanîya Kurdistanê bo dahatûyê.Ger Kurd meseleya Hesenkeyfê binîn rojeva Cîhanê û rexistinên sîvîl hişyarbikin wê demê Tirkîye dikare neçarbimîne û ji vê projeyê dev ji berde.Ji ber ku Hesenkeyf yek ji kevnewarên dîrokî yê herî girîng ya Cîhanê ye.Bi avakarina malperan,kampanyayan û çalakîyan divê raya giştî were hişyar kirin.

Pêywendîdar

• Malpera "Dilsozî bo Hesenkeyfê"(Hasankeyfe Sadakat)

© Copyright 2006 HAWARDENGÛBAS. Hemû mafên nûçe û nivîsên ku vê rave hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.