Bi hezaran kes li Hesenkeyfê civîyan,06 Tebax,2006 | Kurdistan

Serokwezîr Tayyîp Erdogan, dema hat ser deshilatdariyê soz da, ku ewê projeya Bendava Ilisûyê betal bike.

Lê belê, hîmê vê projeyê ji aliyê wî ve hat danîn. Erdogan, bi Wezîrê Karên Hundur Abdûlkadîr Aksû, Wezîrê Enerjî û Çavkaniyên Xwezayî Hîlmî Guler û Wezîrê Karên Gund û Çandiyê Mehdî Eker re, îro danê sibê çû navçeya Mêrdîn Kerboranê.

Bendava Ilisûyê ku ev 50 salin di rojevê de ye, lê belê ji ber nerazîbûna raya giştî ya hundur û derve gelek
caran çêkirina wê hatiye betalkirin, wê Heskîfa dîrokî di binê avê de bihêle.

Herwiha, ji sedî 80'yî Heskîfê wê nava gola bedavê de bimîne û tevî gund û mezrayan wê 199 waregeh jî, di
binê vê avê de bimîne.

Bo pêşî lê girtina çêkirina bendavê, hewldanên rêveberiyên herêmî, rêxistinên civakî yên sivîl didomin.Hewldana Jîndarkirina Heskîfê ku çalakiyeke mezin organîze kirin û nêzî 6 hezar kes tevlî bû.

Bi dehan hunermend, dengbêj, kom û grûbên muzîkê yên Kurd, Tirk û biyanî yên wek dengbêj Abdullah
Koçar, Koma Avşin, Koma Rewşen, grûba Kardeş Turkiler, Grûb Şarap, hunermend Gulşen Suna,
hunermend Turan Şengul, Koma Azad, grûba Grove Roje, hunermend Rojda, hunermend Zilan, hunermend
Aynur Doğan, grûba folklorê ya Şaredariya Erxeniyê, hunermend Servet Kocakaya û her wek din li bajaroka
dîrokî li kevnewarên Hêskêfê hatin ba hev û bi kilam û stranên xwe, nerazîbûna xwe ye li dijî çêkirina
Bendava Ilisuyê nîşan dan û vê yekê şermezar kirin.

Serokê Şaredariya Mezin ya Amedê Osman Baybemir, di axaftina xwe ya de diyar kir ku hîmkolana bendava Ilisuyê, ji miratê hevbeş yê mirovatiyê re bêhurmetiyeke mezin e. Baybemir, di berdewamiya xaaftina xwe de ragihand ku ev çi wijdan e ku vê axê, vê dîrokê û van kevnewaran di bin avê de dihêlin.

Piştî civîneke çapamenîyê çalakî bi dawî bû.

Pêywendîdar