Beşa Kurdistan

Wezareta hundir ya Kurdistanê dewleta Îranê ji bo operasîyonan hişyar kir

 23 Tebax, 2006 weşandin:17:21:34 (GDK)

Wezareta hundir ya Kurdistanê dîyar kir ku hikûmeta Îranê li dijî PKKê çîyayê Qendîl û derdorê wî dane ber top û bombayan. Wezareta hundir ya Kurdistanê bangewazî li hikûmeta Îranê kir û got dev ji wan êrîşan berdin. Berdevkê hikûmeta Herêma Kurdistanê Xalid Salîh, di ciwata wezîran de civînek çapemenîyê li darxist.

Di civînê de Xalid Salîh dîyar kir ku hikûmeta Kurdistanê li Silêmanîyê nûnerê hikûmeta Îranê li ser operasîyonan şîyarkir.

Wezîrê karê hundir ya Kurdistanê Osman Hecî Mehmûd bangewazî li hikûmeta Îranê kir ku operasîyon û êrîşan bide seknandin.

Hikûmeta Îranê ev çend roje li dijî endamên PKKê çîyayê Qendîlê û derdorê wî dide ber top û qatûşan ji ber vê yekê gelek kes ji gundên xwe derketin.

 

© Copyright 2006 HAWARDENGÛBAS. Hemû mafên nûçe û nivîsên ku vê rave hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.