Beşa Kurdistan

General Tokat di dema wezîfedarîya xwe de Li Amedê 383 kes bûn qûrbana kujer nedîyar

 04 Tebax, 2006 weşandin:14:42:11 (GDK)

 
Korgeneralê teqawit Altay Tokat ku li terora artêşa Tirk a li Kurdistanê mikur hat, her roja ku derbas dibe, agahiyên nû der barê gunehên wî de, derdikevin holê.

Doh, di çapemeniyê de jî cih girtibû, ku dema Korgeneral Tokat, fermandarê tugaya Komando ya Culemêrgê bû, sê gundî hatine kuştin û paşê termê wan şewitandibûn.

Lê belê, gunehên Tokat ên di dema fermandariya wî ya Kolordiya asayişê ya Amedê de, ji yên Culemergê pirr zêdetirin.

Dema ku Altay di salên 1995 û 97an de li Amedê wezîfedar bû, 383 kes bûn qurbana kujêrên wan nediyar û 125 kes jî hatin wendakirin.

Lê belê derbarê van bûyeran de ti doz û lêpirsîn nehatine vekirin û di ser de jî, weke dozên "Faîlên wan nediyar" di refên kevnar ên li dadgehan de man.

Korgeneralê teqawîd Altay Tokat'ê ji bo terora dewletê ya li Şemzînanê li ser guneh hat zevtkirin dibêje, 'armanc dayîna peyamekê bû, lê ji destê wan nehat''

Û herwiha mikurhatibû ku di dema wezîfedariya xwe ya li Kurdistanê de ''ji bo karmendên ji rojava tên ji rê dernekevin carcaran wî bombe dane teqandin.'' (dîha)

© Copyright 2006 HAWARDENGÛBAS. Hemû mafên nûçe û nivîsên ku vê rave hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.