Mîhrî Belî:“Xeter ne PKK ye xetera esil Barzanî û Talabanî ne,01 Tebax,2006 | Kurdistan

Siyasetmedar, Kemalîst, Rewşenbîr!, nivîskar û bi serde jî Komonîst! yê Tirk Mîhrî Bellî, diyar dike ku ji ber ku Arteşa Tirk, PKKê ji xwe re wek neyarekî sereke nîşan kiriye, ketiye nav xeletiyeke mezin. Lewra, xeteriya esil û neyarên herî mezin, Barzanî û Talabanî ne.

“Dema Barzanî û Talabanî bihêz bibin wê doza bajarê Amedê bikin”

Li gor ku ji aliyê rojnameya Birgunê ve hatiye belavkirin, Siyasetmedar, Rewşenbîr!, nivîskar û bi serde jî Komonîst! yê Tirk Mîhrî Bellî yê 91 salî ku niga wî, li devê gorê ye, di rojên xwe yên paşîn de jî, wezîfeya xwe bicîh anî û ji artêşa tirk re eqilmendî kir. Komonîstê Tirk Mîhrî Bellî, radighîne ku ji bo Tirkiyê, xeterî ne PKK ye, xeteriya esil Barzanî û Talabanî ne. Bellî, vê yekê weha destnîşan dike; “Emerîka, ji Barzanî û Talabanî re dibêje, ‘dema em biçin em ê çek û sîlahên xwe, ji we re bihêlin.’ Ev jî dide nîşandan ku dema Barzanî û Talabanî bihêz bibin, wê doza axê ji Tirkêyê bikin, doza bajarê Amedê bikin. Ev daxwaz jî, wê bibe sedemê şer û pevçûnê û wê herêm bibe gola xwînê.”

“Çê nabe ku em doza sînorkişandinê li Tirkiyê bikin û ev yek ne mumkûne”

Mîhrî Bellî yê Komonîst!, eqilmendiya xwe, weha dom dike; “Dema min di sala 1997-an de bi Abdullan Ocalan re hevdîtinek pêk anî, min jê re got, ‘çê nabe, tu daxwaza tiştên ku Gelê Tirk li dijî derkeve, bikî. Ango ji Tirkiyê daxwaza axê neke.’ Me, herweha li ser Federasyonê jî qise kir. Lê, Abdullan Ocalan got, ‘pirraniya kurdan, li rojavayê Tirkiyê dijîn, ji ber vê yekê jî, çê nabe ku em doza sînorkişandinê li Tirkiyê bikin û ev yek ne mumkûne.’ Lê, pêvajo dide nîşandan ku dema Barzanî û Talabanî bihêz bibin, wê doza axê ji Tirkêyê bikin. Ji ber vê yekê ye ku Barzanî û Talabanî dixwazin hebûna PKKê, ji holê rakin.”

“Komara Tirkiyê û Artêşa Tirk di nav xeletiyeke mezin de ye”

Mîhrî Bellî yê Komonîst!, di berdewamiya vê daxuyaniya xwe de rê nîşanê Artêşa Tirk dide û weha dibêje; “Arteşa Tirk û herweha yên din, hê jî PKKê, wek neyareke sereke dibînin. Ev nêrîn, xeletiyeke mezin e. Lewra, di nav projeya Emerikayê de, yek jê jî bihêzkirina grûbên kurdên Iraqê heye; Emeriqa dixwaze wan grûban bihêz bike û dewleteke Kurdî ava bike. Dema ev grûbên kurdên Iraqê, dewleteke Kurdî ava bikin, wê vegerin li ser Tirkiyê û doza axê ji Tirkiyê bikin û wê bi viya jî qîma xwe neynin û ji Tirkiyê, bajarê Amedê jî bixwazin. Ji ber vê yekê ye ku ez dibêjim, Komara Tirkiyê û Artêşa Tirk di nav xeletiyeke mezin de ye.”

“Min ewçax fêm kir ku Abdullan Ocalan Kemalîst e”

Mîhrî Bellî yê Kemalîst û Komonîst!, Kemalîstiya Abdullah Ocalan weha tscîl dike; “Min, di sala 1997-an de bi Abdullah Ocalan re, hedîtinekî bi qasî 8 sietî pêk anî. Dema min jê re behsa Mustafa Kemal kir, wî yekser xwe bilind avêt û rabû piyan û weha got, ‘aha Mustafa Kemal ev e’ Min di wê demê de fêm kir ku Apo, Kemalîst e. Apo bi xwe texmîn nedikir ku şerê çekdarî bê vê merhelê.” (pukmedia: Amed/ Nevzat Karakeçi)