Beşa Kurdistan

Dewleta Tirk dest danî ser pirtûkên Kurdî
 

 27 Tebax, 2006 weşandin:28:47:09 (GDK)

Pirtûkên nivîskara Swêdî Arstrid Lindgren ku ji bo Kurdî hatibûn wergerandin û dê li pirtûkxaneyên bajarên Kurdistanê bihata belav kirin li Stenbolê polîs dest danî ser wan. Li gor malpera Netkurdê, hat ragihandin ku sedemê destdanîna ser pirtukan, kêmasiya agahiyên gumrikê û erêkirina Wezareta perwerdê ya Tirkiyeyê ye.

1208 pirtûk ku ji 25 pirtûkên cuda cuda pêk tên hemû jî yên nivîskara zarokan a swêdî Astrid Lindgren in. Pirtûkên ku qala çîroka "Fifi Brindacier" (Pippiyê Goredirêj) dike heta niha ji bo nêzî 85 zimanan hatine wergerandin. Kurdiya wan ku dê bibirana bajarên Kurdan û belav bikira ji ber kêmasiyên belgeyî hatin desteserkirin.

KOMAK li Swêdê komeleyeke çandî ye û bi taybetî ji bo zarokên kurd dixebite. Komak ji aliyê kurdên Başûr ve hatiye damezirandin. Komele çend sal in ku ji zarokên Başûr re alîkariyê dike. Niha jî Komakê bi alîkariya Palme Centra Swêdê, bi projeyek li bajarê Batmanê pênc pirtûkxanên zarokan vedike. (pna)
 

© Copyright 2006 HAWARDENGÛBAS. Hemû mafên nûçe û nivîsên ku vê rave hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.