Beşa Kurdistan

Li bakûrê Kurdistanê roja aştîyê tê pîroz kirin
 

31 Tebax, 2006 weşandin:06:32:22 (GDK)

1'ê Îlonê Roja Aştiyê ya Cîhanê, li bajarên bak dê bi çalakiyên cur bi cur bê pîrozkirin. Bi mebesta 1'ê Îlonê Roja Aştiyê ya Cîhanê li Amedê di 3'yê îlonê de li Qada Îstasyonê mitîng tê lidarxistin. Endamên Înîsiyatîfa Dayîkên Aştiyê ku ji gelek bajarên Tirkiyeyê bi rê dikevin, wê li Navçeya Silopiya Şirnexê 'Konê Aştiyê' vedin.

Bi mebesta 1'ê Îlonê Roja Aştiyê ya Cîhanê, ji aliyê saziyên civakî yên sivîl û partiyên siyasî yên li gelek bajaran ve çalakiyên cur bi cur têne lidarxistin. Li gelek bajaran ji bo balê bikşînin ser girîngiya aştiya civakî, panel, daxuyaniya çapemeniyê, pêşengeha wêneyan û hin çalakiyên din tên lidarxistin. Li hemû bajaran, ji îşev de bi sedan kes nobeta aştiyê digrin û nêrînên xwe yên li ser aştiyê, li lênûskên ku hatine vekirin dinvîsin. Ger ku Walîtiya Amedê bersivek erênî bide Komîteya Amadekar a 1'ê îlonê, li Qada Îstasyonê dê mitîngek bê lidarxistin. Girseyên ku ji bajarên herêmê beşdarî mitîngê dibin, dê daxwazên xwe bînin ziman.

Çalakiyên 1'ê Îlonê Roja Aştiyê ya Cîhanê li gorî bajaran wiha ne:

AMED

Di 1'ê Îlonê Roja Aştiyê ya Cîhanê de Platforma Demokrasiyê, li Şanogeha Şaredariya Bajarê Mezin a Amdê daxuyaniyek dide çapemeniyê. (11:00). Platform piştre, Dayîkên Aştiyê ber bi Silopiyê ve bi rê dike.

Di 3'yê îlonê de Şahiya Aştî û Demokrasiyê tê lidarxistin. Şahî, li Qada Îstasyonê saet di 16.00'an de destpê dike. Ji gelek bajarên herêmê beşdarî çêdibe. hunermendên wekî Xêro Abbas û Selda Bagcan di şahiyê de konser didin.

ÊLIH

31'ê tebaxê: Bi tevî rêxistinên girseyî yên demokratîk, daxuyaniya çapemeniyê tê lidarxistin. (17.00)

1'ê îlonê: Gor û malbatên gerîla û leşkerên ku di pevçûnan de jiyana xwe ji dest dane, tê ziyaretkirin. Li Kuçeya Hunerê pêşengeha wêneyan ku mijara wê 'Aştî' ye tê vekirin.

2'yê îlonê: Li avahiya Rêxistina Navçeya Navendî ya DTP'ê panelek têkildarî 1'ê Îlonê Roja Aştiyê ya Cîhanê tê lidarxistin. Prz. Mehdî Oztuzun, Prz. Abdullah Akin û Alîkarê Serokê Rêxistina DTP'ê ya Êlihê Abdulhakîm Şahîn wek axaftvan beşdarî panelê dibin. (12.00)

3'yê îlonê: Bi awayekî girseyî beşdarî mitînga ku li Amedê tê lidarxistin dibin. (10.00)

4'ê îlon: Li avahiya Rêxistina Navçeya Navendî ya DTP'a Êlihê şahî tê lidarxistin. (12.00)

MÊRDÎN

*31'ê tebaxê: Şaxa ÎHD'ê li avahila komeleyê daxuyaniyek dide çapemeniyê û nobeta aştiyê digre. (21.00)

1'ê îlonê: Rêxistina DTP'ê ya Mêrdînê û rêxistinên navçeyan bi tevlîbûna Şaredar, reveberên saziyên civakî yên sivîl, li Qada Cumhuriyetê ya Mêrdînê daxuyaniyek didin çapemeniyê. (12.00) Heman rojê li Mêrdînê qurnefîlên sipî li dikandaran û pifikên sipî jî li zarokan têne belavkirin. (17.00)

2'yê îlonê: Li navçeya Derîkê panelek bi mijara 'Aştî' ku dê Selîm Sadak û Mihdî Perînçek tevlî bibin, li avahiya Rêxistina DTP'ê ya Derîkê tê li darxistin. (10.00) Heman roj, DTP li hemû navçeyên Mêrdînê belavokên ji bo tevlîbûna bernameyên 1'ê îlonê belavokan belav bike. (17.00)

3'yê îlonê: Ji bo tevlîbûna li mitînga li Amedê tê lidarxistin, ji Mêrdîn û navçeyên wê DTP'yî bi awayek girseyî ber bi Amedê ve bi rê dikevin. (13.00)

4'ê îlonê: Ji bo bîranîna Parlementer Mehmet Sîncar bi tevlîbûna Serokê Giştiyê DTP'ê Ahmet Turk, gora Sîncar dê bê ziyaretkirin û dê bernameyek bîranînê bê amadekirin. (11.00) Heman rojê, bi tevlîbûna Selîm Sadak û Aydin Bolkan li Salona Navenda Tenduristiya Dê û Zarok a Qoserê bernameyek tê lidarxistin. (17.00)

6'ê îlonê: Ji bo tevlîbûna resepsiyona ku dê li Mêrdînê bê li darxistin, li Qoser, Mêrdîn, Nisêbîn, Derîk, Şemrex û Kerboranê saziyên sivîl û komeleyên demokratîk dê bêne ziyaretkirin û dê ji bo resepsiyonê bêne vexwendin. (11.00)

7'ê îlonê: Li Otela Erdoba ya Mêrdînê bi tevlîbûna Nivîskar Perîhan Magden, Serokê Giştî yê Mazlum-Der'ê Ayhan Bîlgen, nivîskar Orhan Mîroglu û niviskar Hrank Dînk panelek bi mijara 'Li Mezotopamyayê aşitî û çanditiya zêdetir', li Otela Erdobayê tê lidarxistin. (16.30) Heman roj li Otela Erdoba resepsiyonek girseyî tê lidarxistin.(dîha)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.