Li Suriyeyê binçavkirin û wendakirina Kurdan,03 Tebax,2006 | Kurdistan

Hêzên Sûriyê li başûrê rojavayê Kurdistanê, li zext û girtinên li hemberî kurdan dom dikin. Li bajarên Qamişlo û Efrînê 6 kes bê sedem hatin binçavkirin, li paytexta Suriyeyê Şamê jî xwendekarê bi navê Enver Mahmud ê 15 salî ji 15`ê Tîrmehê vir ve wenda ye.

Hêzên Sûriyê li başûrê rojavayê Kurdistanê, li zext û girtinên li hemberî kurdan dewam dikin.

Li bajarên Qamişlo û Efrînê 6 kes bê sedem hatin binçavkirin .

Li gorî çavkaniyên heremî, di 28`ê tîrmehê de , Hêzên Suriyeyê, li bajarê Qamişloyê, avêtine ser malên 3 kesên bi navê Reber Nur-El Din, Gilo Ehmed Salih Yusuf û Feremez Said û ew girtin binçavan.

Hêzên Suriyeyê, li gel hemû hewldanan derbarê aqûbeta 3 kesan de tu agahî nedan xizmên wan.

Hêzên Suriyeyê pêr jî, dîsa li Qamişloyê 2 kurdên bi navê Mahmud Gilo û Shapal Ehmed Gilo ji mala wan derxistin û birin.

Derbarê aqûbeta van 2 kesan de jî tu agahî bi dest neketin.

Di vê navberê de, li Efrînê jî di 19 ê tîrmehê de kurdê bi navê Mistefa Mihemed Allosh, ji aliyî hêzên ewlekariyê ve ji mala xwe hate binçavkirin û derbarê wî de agahî bi dest neketin.

Li aliyê din, li paytexta Suriyeyê Shamê jî xwendekarê bi navê Enver Mahmud yê 15 salî ji 15 Tîrmehê vir ve wenda ye. Enver Mahmudê 15 salî bi mebesta serdana lêzimên xwe ji malê derket û tu agahî jê nehat stendin. Dayîka wî Gulê da zanîn ku serî li polîsê Suriyeyê dane lê polîs bi awayî”Eger hûn nezanin emê ji ku bizanin” ew bersivandin . (pna)