Şerefattîn Elçî partîyeke nû avadike, 08 Tîrmeh,2006

Duway ziyatir le hewt mang karkirdin leser piroje yasay rêkxstinî karî rojnamenûsî le Kurdistan, êsta be çend gorankariyek le naw rojnamenûsan u xelkda bilawbotewe u lembareyewe neqîbî sendîkarî rojnamenûsanî Kurdistan rageyand ke le naw piroje yasake çend gorankariyekî giring kirawe, lewane destbeserkirdinî rojnamenûsan helgîrawe u ta rexneyekîş lelayen rojnamenûsanewe mabêt, ew piroje yasaye pêşkeş be perleman nakirêt.

Duway ziyatir le hewt mang karkirdin leser piroje yasay rêkxstinî karî rojnamenûsî le Kurdistan u paş bilawkirdinewey, hendê rexne u boçûnî taze hatearawe u her bem hoyewe lîjney amadekarî pêkhatû le sendîkarî rjnamenûsanî Kurdistan, sendîkarî parêzeran, yasanasan u hendê le rojnamenûsan le 22î nîsan bo carêkî dîke tawtuwey piroje yasakey kird u hendê gorankarî têda pêkhêna.

Lembareyewe berêz ferhad 'ewnî neqîbî sendîkay rojnamenûsanî kurdistan be ajansî peyamnêrî rageyand: leber roşnayî pêşniyarî rojnamenûsan hendê layen lê ladra, weku ewey ke pêş le hemwarkirdineke rojnamenûs ew kese bû ke karî rojnamenûsî bikat u endamî sendîkay rojnamenûsanî kurdistan bêt, belam iêsta ew endambûne le pênasey rojnamenûs ladrawe. herweha bas le hendê dab u nerîtî naw komelgey Kurdewarî u çareserî meseleke kira be şêweyek ke legel azadî karî rojnamenûsî le kurdistan biguncêt.
herweha neqîbî sendîkay rojnamenûsanî kurdistan sebaret be gorankariyekan raygeyand: leberî szay destbeserkirdinî rojnamenûsan, szay madî cêgîrkiraw u hîç rojnamenûsêkîş lelayen dezgakanî asayşewe destgîr nakirêt, teniya le rêgey dadwerewe nebêt. xalêkî giringî dîkeş eweye ke be bê agadarî neqîbî sendîkay rojnamenûsan yan ew kesey debête nuwênerî rojnamenûs, malî rojnamenûs u ktêbixanekey napişkêndrêt.

Her wiha ferhad 'ewnî legel cextkirdinewe leser ewey ke eme pirojeyeke u ta iêsta nebote yasa, raygeyand: lem mangeda le hemû lqekanî sendîkay rojnamenûsan smînarî leser degîrê u ew xalaney lelayen rojnamenûsanewe basî lêwedekirê be hend werdegîrê u dwatir le smînarî giştî le hewlêr, be amadebûnî nuwêneranî lqekanî sendîka u sernûserî rojnamekan u ew rojnamenûsaney diyar u berçawn, tawtuwey pirojeke dekirê u biriyarî kotayî leser dedrêt.

Ferhad Ewnî raygeyand ke ta rexneyek lelayen rojnamenûsanewe mabêt, piroje yasake pêşkeş be perlemanî kurdistan nakirêt u duway emeş pirojeke pêşkeş be berêweberayetî nûsînewey qanûnî dekirêt ta be şêweyekî qanûnî dabirştirêtewe u ewkat pêşkeş be perlemanî Kurdistan dekirêt. (pna)
.